Ciîko 24:5 - ÎVUKU RÎA ÛVORO MWARO

⁵ Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.

Ciîko 24:5 ပူးပေါင်းရင်းမြစ်များ

Esita 3:8

Kwoguo Hamani nîwerire mûthamaki atîrî, “Kûrî andû a mûvîrîga mûna manyagarûkîrîte vûrûrirî waku wonthe na methagîrwa makîoneka icunjîrî cionthe cia wathani waku. Andû acio marî na mawatho ngûrani na marîa marûmagîrîrwa nî mavûrûri marîa mengî na matiathîkagîra watho wa mûthamaki, kwoguo gûtirî na vata wa kûmarekereria matûûre vûrûrirî waku.

Jeremia 37:13

Na rîrîa akinyire mwîrîgarî wa Benjamini mûrangîri ûmwe wetagwa Irija mûvîcî wa Shelemia, Shelemia mûvîcî wa Hanania, nîwanyitire mûrathi Jeremia na makîmwîra atîrî, “We ûrenda kûûra ûthiî gwa Akalidei!”

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Amosi 7:10

Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Maariko 1:24

“Ûrenda atîa natue we Jesû wa Nazarethi? Ûkîte gûtûthiria? Nîngwîcî we wî û. We wî ûrîa Mûtheru wa Ngai!”

Luka 23:19

(Baraba oovetwe nîûndû wa kunjuga andû îtûûrarî na nîûndû wa kûûragana.)

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Luka 23:25

Nîwamovorere mûndû ûrîa meendaga, ûrîa wovetwe nîûndû wa kunjuga andû îtûûrarî na wa kûûragana. Nîwacokire akîmanengera Jesû nîguo mamwîke ûrîa meendaga.

Luka 23:5

Nwatî nîmaakinyîrîrie ûvoro ûcio mûno makiugaga atîrî, “Mûndû ûyû akîthomithia nîaraunjuga andû a vûrûri wonthe wa Judea. Ke aambîrîrie vûrûrirî wa Galili na rîu arî gûkû gwetû.”

Ciîko 15:5

Nwatî etîkia amwe arîa maarî a gîkundi Kîam Afarisai, nîmaarûngamire na makiuga atîrî, “Andû a ndûrîrî nwa nginya marwithue na meerwe mathîkîre Watho wa Musa.”

Ciîko 21:28

Nao nîmaaugîrîrie atîrî, “Andû a Isiraeli! Tûtethererieni! Mûndû ûyû nîke ûthiîcaga kûndû kuonthe akîthomithagia andû onthe maregane na andû a Isiraeli, Watho wa Musa na hekarû îno. Na rîu ke wana nîwarete amwe a andû a ndûrîrî gûkû hekarûrî na nîmekîrîte kûndû gûkû kwamûrîrîtwe Ngai mûgiro!”

Ciîko 22:22

Nakîo nîkîambîrîrie kugîrîria atîrî, “Ke nîaûragwe! Ndagîrîrwe nî gûtûûra mwoyo!”

Ciîko 24:14

Nwatî ûndû ûrîa ngwîtîkîra nî atîrî: Nie ngoocaga Ngai wa methe metû ma tene nîrî mûrûmîrîri wa Njîra ya Jesû. Ayahudi maugaga atî Njîra îo nî ya maveeni. Wana nîmbîtîkîtie maûndû monthe marîa mandîkîtwe Wathorî wa Musa na mavukurî ma arathi.

Ciîko 24:4

Nwatî ndirenda gûgûteera mavinda maku makîria. Kwoguo nîrakûthaitha wenda tu ûthikîrîrie tûkûve ûvoro na njîra nguvî.

Ciîko 25:7

Rîrîa Paûlo aakinyire, Ayahudi arîa maanyûrûrûkîte kuuma Jerusalemu nîmaarûngamire mamûthiûrûrûkîrîtie na makîambîrîria kûmûthitanga na maûndû meengî macûku marîa mataavota kwonania ûma wamo.

Ciîko 26:5

Mangîenda nwa marute ûira atî kwa îvinda îraca mbîthîrîtwe nîrî Mûfarisai wa ma. Afarisai nî Kîamma kîrîa kîrûmagîrîra mawatho na ndini ya Kîyahudi gûkîra ikundi irîa ciîngî cionthe.

Ciîko 28:22

Nwatî nîtûrenda kûmenya meciria maku, nîûndû nîtwîcî atî kûndû kuonthe andû nîmaramenereria gîkundi kîu Kîam ndini kîrîa we ûrî wakîo.”

Ciîko 5:17

Mûthînjîri-Ngai ûrîa mûnene na andû arîa maagendanagia nake a Kîamma Kîam Asadukai nîmaagîrwe nî wîru mwîngî mûno na magîtîkania nwa nginya mamenye ûrîa magwîka.

Ciîko 6:13

Nîmaacokire makîrete aira a maveeni arîa maaugire atîrî, “Mûndû ûyû ndatigaga kwaria ciugo cia kûmenereria hekarû yetû ntheru wana Watho wa Musa.

1Akor 11:19

(Gûtirî na nganja atî nwa nginya kûgîe na ngaûkano gatagatîrî kenyu nîguo mûndû avotage kwona cararûkû arîa evokeku gatagatîrî kenyu.)

1Akor 4:13

Vîndî îrîa andû maria maûndû macûku matwîgiî nîtwaragia maûndû maro marîa mamegiî. Tue rîu tûtuîtwe ta takataka ya gûkû nthî. Tûtuîtwe ta gîko gîa gûkû nthî.

1Pet 2:19

Ngai nîarathimaga mûndû ûrîa ûmagîrîria ûrûrû wa mathîna marîa matamwagîrîrîte nîûndû ke nî amenyete wendi wa Ngai.