Ciîko 24:12 - ÎVUKU RÎA ÛVORO MWARO

¹² Ayahudi matiambîthîra tûgîkararanagia na mûndû wana ûrîkû nîrî hekarûrî, wana kana ngiunjuga kîrîndî nîrî mavoerorî kana nîrî îtûûrarî.

Ciîko 24:12 ပူးပေါင်းရင်းမြစ်များ

Maariko 9:14

Rîrîa Jesû na arutwa acio athatû maathiîre varîa arutwa arîa engî maarî, nîmoonire kîrîndî kîmarigicîrîtie na arimû amwe a watho magîkararania nao.

Johana 18:21

Nîndûî kîratûma ûmbûrie ciûria? Ûria andû arîa maregucaga maûndû marîa nîrathomithanagia. O nîo maicî maûndû marîa nîraragia.”

Ciîko 24:18

Rîrîa naarutaga magongoona nîrîo Ayahudi maambîthîrîrie nîrî hekarûrî. Nie naarî mûrîkiu mambura ma kwîtheria, na gûtirî kîrîndî twarî nakîo na gûtiarî na gacagaca.

Ciîko 24:5

Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.

Ciîko 25:8

Nwatî Paûlo ke mwene nîwetetere akiuga atîrî: “Gûtirî ûndû nie mbîkîte ûreganîte na watho wa Ayahudi, kana ûreganîte na hekarû wana kana ûreganîte na mûthamaki wa Roma.”

Ciîko 28:17

Vuva wa mîthenya îthatû Paûlo nîwetire atongoria a Ayahudi vamwe. Na rîrîa maacemanirie nîwamerire atîrî, “Ariû na aarî a îthe wetû, ndianeka ûndû wana ûmwe ûreganîte na andû etû wana kana mîtugo îrîa twakinyîrue nî methe metû ma tene. Nwatî nînaanyitirwe na ngîvingîrwa njeera nîrî Jerusalemu na ngînenganîrwa kûrî Aaroma.