Ciîko 24:11 - ÎVUKU RÎA ÛVORO MWARO

¹¹ Ûngîtuîria we mwene nwa ûmenye atî wana tî mîvîtûku mîthenya îkûmi na îîrî kuuma nie nathiî Jerusalemu kûgooca Ngai.

Ciîko 24:11 ပူးပေါင်းရင်းမြစ်များ

Ciîko 21:18

Na mûthenya ûcio wîngî Paûlo nîwathiîcanirie natue kwa Jakuvu, na athuuri onthe a kanitha maarî kuo.

Ciîko 22:30

Mûnene ûcio wa mbûtû ya athigari nîwendaga kûmenya na ma kîrîa gîatûmîte Ayahudi mathitange Paûlo. Kwoguo mûthenya ûcio warûmîrîrîte, mûnene ûcio nîwathanire akiuga anene a athînjîri-Ngai na Kîamma Kîam Ayahudi kîonthe gîcemanie. Nake nîwaugire Paûlo ovorwe mînyororo na avirwe mbere ya Kîamma.

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 23:23

Nake mûnene wa mbûtû ya athigari nîwacokire agîîta anene aîrî a athigari îgana na akîmeera atîrî, “Nîrenda andû a kûthiî Kaisarea. Varîria athigari magana maîrî, na methîrwe marî vamwe na athigari mîrongo mûgwanja arîa marûaga matûîte mbarathi, na athigari magana maîrî arîa marûaga na matumû. Andû acio mevarîrie makaauma gûkû thaa îthatû cia ûtukû.

Ciîko 24:1

Vuva wa mîthenya îtano, Anania ûrîa warî Mûthînjîri-Ngai ûrîa mûnene nîwanyûrûrûkire Kaisarea arî vamwe na athuuri amwe na wakiri ûmwe wetagwa Teritulo. Nao nîmaaumîre vau mbere ya mwarîrîria Feliki na makîmûva mateta mao megiî Paûlo.

Ciîko 24:17

“Na vuva wa gwîkara kavinda karaca ndathiîte Jerusalemu, nînaacokire kuo nthiîte kûvira mbeca kûrî andû etû na kûruta magongoona.