Ciîko 24:10 - ÎVUKU RÎA ÛVORO MWARO

¹⁰ Nake mûnene ûcio nîwavenerie Paûlo arie, na Paûlo akiuga atîrî, “Nie nîmbîcî atî we wîthîrîtwe ûrî mûcirithania wa vûrûri ûyû gwa kavinda ka mîaka mîîngî. Kwoguo nîrî na gîkeno ngîîtetera nîrî mbere yaku.

Ciîko 24:10 ပူးပေါင်းရင်းမြစ်များ

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Luka 12:14

Nwatî Jesû nîwamûcokerie atîrî, “Mûrata wakwa, nî ûrîkû ûmvete rûtha rwa gûtua ciira yenyu na rwa kûgaa indo cienyu?”

Luka 18:2

“Îtûûrarî rîmwe kwarî na mûcirithania ûtetigagîra Ngai kana ava andû gîtîîo.

Ciîko 12:17

Petero nîwamaveenerie na njara yake akîmeera makire. Nake nîwamataarîrie ûrîa Mwathani aamûrutire njeera na akîmeera atîrî, “Îrani Jakuvu na etîkia arîa engî ûrîa kûrekîkire.” Nîwacokire akiuma kûu na akîthiî kûndû kwîngî.

Ciîko 13:16

Nake Paûlo nîwarûngamire, akîmaveneria na njara yake na akiuga atîrî: “Andû a Isiraeli wa namue muonthe andû a ndûrîrî arîa mûgoocaga Ngai na mûrî ava: mwenda tu tathikîrîriani!

Ciîko 18:15

Nwatî maûndû marîa maratûma mûkararanie megiî ciugo, marîîtwa na watho wenyu. Kwoguo mue ene nîmwagîrîrwe nî kûmenya ûrîa mûgwîka. Nie nînarega kûthondeka îtua îgûrû rîa maûndû ta mama!”

Ciîko 19:33

Nao Ayahudi amwe nîmaarûngamirie Alekisanda mbere ya andû na makîmwîra ûrîa agwîka. Nake Alekisanda nîwambararirie njara na kûrî andû akîmaveneria makire nîguo eyarîrîrie.

Ciîko 21:40

Mûnene ûcio wa mbûtû ya athigari nîwamwîtîkîrie, kwoguo Paûlo nîwarûngamire vau ngathîrî na akîambararia njara na kûrî andû akîmeera makire. Rîrîa maakirire, Paûlo nîwamaarîrie na Kîhibirania akîmeera atîrî:

Ciîko 23:24

Varîriani mbarathi irîa ikaathiî ikuuîte Paûlo nîguo mûkaamûkinyia kûrî mûnene Feliki mûmûmenyererete.”

Ciîko 26:1

Angiripa nîwerire Paûlo atîrî, “We rîu ûrî na rûtha rwa kwîyarîrîria.” Paûlo nîwacokire agîûkîrîria njara yake na akîîyarîrîria akiuga atîrî:

1Pet 3:15

Nwatî ngororî cienyu vecagani Kristû gîtîîo kîrîa kîmwagîrîrîte ta Mwathani. Vîndî cionthe îthagîrwani mwîvarîrîtie gûcokeria mûndû wa wonthe ûrîa ûngîmûria mûmûtaarîrie ûvoro wîgiî mwîrîgîrîro ûrîa mûrî naguo.

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.