Ciîko 22:30 - ÎVUKU RÎA ÛVORO MWARO

³⁰ Mûnene ûcio wa mbûtû ya athigari nîwendaga kûmenya na ma kîrîa gîatûmîte Ayahudi mathitange Paûlo. Kwoguo mûthenya ûcio warûmîrîrîte, mûnene ûcio nîwathanire akiuga anene a athînjîri-Ngai na Kîamma Kîam Ayahudi kîonthe gîcemanie. Nake nîwaugire Paûlo ovorwe mînyororo na avirwe mbere ya Kîamma.

Ciîko 22:30 ပူးပေါင်းရင်းမြစ်များ

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Mathaayo 27:2

Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Ciîko 21:33

Nake mûnene ûcio wa athigari nîwathiîre varîa Paûlo aarî, akîmûnyita na akîathana akiuga Paûlo ovwe na mînyororo îîrî. Nake mûnene ûcio nîwacokire akîûria atîrî, “Mûndû ûyû nû, na ekîte atîa?”

Ciîko 22:5

Mûthînjîri-Ngai ûrîa mûnene na athuuri onthe a Kîamma nwa marute ûira atî nie nîraria ûma. Nîo maanengeere maarûa nîguo nîivire kûrî ariû na aarî a îthe wetû arîa maarî Damesiki. Kwoguo Nînathiîre kuo, ngînyita andû acio na ngîmarete gûkû Jerusalemu marî oove nîguo maverithue.

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 23:15

Kwoguo tûrenda mue vamwe na athuuri a Kîamma Kîam Ayahudi mûtûmane kûrî mûnene wa mbûtû ya athigari a Roma muge mûreterwe Paûlo, mwîtuîte takwa mûrenda kûmenya waro ûvoro ûmwîgiî. Nwatî nîtûkwîthîrwa twîvarîrîtie kûmûraga wana atarî mûkinyu gûkû.”

Ciîko 23:20

Nake mwanake ûcio nîwamwîrire atîrî, “Ayahudi nîmarîkîtie gwîtîkanîria makûûrie wîtîkîre Paûlo akaanyûrûrûkua Kîammarî Kîamo rûyû. O maretua atî nî Kîamma Kîamo kîrenda kûmenya waro ûvoro ûmwîgiî.

Ciîko 23:28

Na nîûndû nînîrendaga kûmenya maramûthitangaga nîkî, nînîramûnyûrûrûkirie Kîamarî Kîamo.

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 26:29

Nake Paûlo nîwamwîrire atîrî, “Wana ethîrwa nî kavinda gakuvî kana karaca, îvoya rîakwa kûrî Ngai nî atî we na arîa engî onthe manthikîrîrîtie ûmûnthî matuîke tanie, wa tiga tu matikovwe na mînyororo ta îno!”

Ciîko 5:21

Nao atûmwa nîmaathîkire. Nîmaatonyire hekarûrî kîraûko macangîa na makîambîrîria kûthomithania. Na rîrîa Mûthînjîri-Ngai ûrîa mûnene na andû arîa maathiîcanagia nake maakinyire, nîmeetire aakîama na athuuri onthe a Isiraeli vamwe. Nîmaacokire magîtûmana njeera makiuga atûmwa mavirwe Kîammarî.