Ciîko 22:20 - ÎVUKU RÎA ÛVORO MWARO

²⁰ O nwa maicî waro atî nie naarî vo vîndî îrîa Stefano, ûrîa warî mûira waku, aaûragirwe. Nie nînetîkanirie na ûndû ûcio. Nao arîa maamûûragire nînaamanyitîre magooti mao.’

Ciîko 22:20 ပူးပေါင်းရင်းမြစ်များ

Luka 11:48

Kwoguo mue nîmwîtîkagîra atî methe menyu nîmeekire waro nîûndû o nîo maaûragithirie arathi, namue mûkîmathondekera mbîrîra.

Ciîko 26:10

Na ûguo nîguo nekire nîrî Jerusalemu. Nînaverwe ûvoti nî anene a athînjîri-Ngai na nînaikirie andû eengî a Ngai njeera. Na rîrîa andû acio a Ngai maatuîrîrwe kûûragwa, nînetîkanirie na ûvoro ûcio.

Ciîko 6:5

Nao etîkia onthe nîmaakenerere woni ûcio. Kwoguo nîmaathuurire Stefano, mûndû warî na wîtîkio mwîngî na wecûrîtwe nî Roho Mûtheru, na Filipu, na Prokoru, Nikanoru, Timoni, Paraminasi na Nikola, mûûrûrîrî ûrîa waumîte Antiokia na wagarûrûkîte agatuîka Mûyahudi.

Ciîko 7:58

Nao nîmaamûrutûrûrire kûu îtûûrarî rîu înene na makîmûriva na mathiga. Nao aira nîmaatigire kanjû ciao imenyereretwe nî mwanake wetagwa Saûlo.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.