Ciîko 22:12 - ÎVUKU RÎA ÛVORO MWARO

¹² “Na kûu îtûûrarî rîu nîkwarî na mûndû wetagwa Anania. Ke nîwathîkagîra Watho wa Musa mûno na nîwavetwe gîtîîo mûno nî Ayahudi onthe arîa maatûûraga kûu Damesiki.

Ciîko 22:12 ပူးပေါင်းရင်းမြစ်များ

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 17:4

Nao Ayahudi amwe, aka arîa maarî îgweta na gîkundi kînene Kîam Angiriki maagoocaga Ngai, nîmeetîkirie na makînyitanîra na Paûlo na Sailasi.

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

Ciîko 8:2

Nao etîkia amwe meetîkîtie Ngai mûno nîmaathikire Stefano makîmûrîragîra mûno.

2Akor 6:8

Nîtûgathagîrîrua na nîtûcambagua; nîtûkumagua na nîtûrumagwa. Tue tûtucagwa ta andû a maveeni, nwatî twaragia ûma.

1Tim 3:7

Agîrîrwe nî kwîthîrwa arî mûtîîe nî andû arîa matarî a kanitha, nîguo ndagaconorwe nîo na ndakagwe mûtegorî wa Ngoma.

Ahib 11:2

Nîûndû wa wîtîkio methe metû ma tene nîmagîre na ngumo mbaro kuuma kûrî Ngai.

3Joh 1:12

Andû onthe maragia maûndû maro megiî Demetirio. Ûma guo mwene nîwaragia ûvoro mwaro ûmwîgiî. Wanatue nîtwaragia maûndû maro mamwîgiî na nîmwîcî atî maûndû marîa twaragia nîma ma.