Ciîko 22:1 - ÎVUKU RÎA ÛVORO MWARO

¹ “Mue ariû a îthe wetû na aa vava, rîu tanthikîrîriani ngîîtetera nîrî ava mbere yenyu!”

Ciîko 22:1 ပူးပေါင်းရင်းမြစ်များ

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Luka 21:14

Tuani ciira mbere na mûtigetange mûgîîciria ûrîa mûgacokia mûgîcirithua.

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!

Ciîko 19:33

Nao Ayahudi amwe nîmaarûngamirie Alekisanda mbere ya andû na makîmwîra ûrîa agwîka. Nake Alekisanda nîwambararirie njara na kûrî andû akîmaveneria makire nîguo eyarîrîrie.

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 24:10

Nake mûnene ûcio nîwavenerie Paûlo arie, na Paûlo akiuga atîrî, “Nie nîmbîcî atî we wîthîrîtwe ûrî mûcirithania wa vûrûri ûyû gwa kavinda ka mîaka mîîngî. Kwoguo nîrî na gîkeno ngîîtetera nîrî mbere yaku.

Ciîko 25:16

Nwatî nînameerire atî tue Aroma tûtiîthagîrwa tûrî na mûtugo wa kûnenganîra mûndû ûrîa ûthitangîtwe tûtambîte kûmwîtîkîria onane na arîa maramûthitanga. Nîtwambaga kûva mûndû ta ûcio kanya nîguo etetere kuumana na maûndû marîa athitangîtwe namo.

Ciîko 25:8

Nwatî Paûlo ke mwene nîwetetere akiuga atîrî: “Gûtirî ûndû nie mbîkîte ûreganîte na watho wa Ayahudi, kana ûreganîte na hekarû wana kana ûreganîte na mûthamaki wa Roma.”

Ciîko 26:24

Rîrîa Paûlo eetetagîra na njîra îo, Fesito nîwamûgûkirie akîmwîra atîrî, “We Paûlo wî na ngoma. Kîthomo kîu gîaku kînene nîkîo kîratûma ume ngoma!”

Ciîko 28:17

Vuva wa mîthenya îthatû Paûlo nîwetire atongoria a Ayahudi vamwe. Na rîrîa maacemanirie nîwamerire atîrî, “Ariû na aarî a îthe wetû, ndianeka ûndû wana ûmwe ûreganîte na andû etû wana kana mîtugo îrîa twakinyîrue nî methe metû ma tene. Nwatî nînaanyitirwe na ngîvingîrwa njeera nîrî Jerusalemu na ngînenganîrwa kûrî Aaroma.

Ciîko 7:2

Nake Stefano nîwamûcokerie atîrî, “Ariû a Îthe wetû na aa vava, tanthikîrîriani! Vîndî îrîa Iburahimu, îthe wa methe metû ma tene, ataarî mûthiîu gûtûûra Harani, Ngai mwene riiri nîwamumîrîre arî Mesopotamia,

Aroma 2:15

Maûndû marîa mekaga nîmonanagia atî maûndû marîa watho ugîte nîmandîke ngororî ciao. Nacio thamiri ciao nîcionanagia ûguo nî ma nîûndû mavinda mamwe meciria mao nîmamacirithagia na mavinda meengî makamaûmîrîria.

1Akor 9:3

Vîndî îrîa andû maranjirithia nîîtetagîra ngiugaga atîrî:

2Akor 12:19

Mue nwa mwîthîrwe mûgîîciria atî nîkwa tûregitagîra mbere yenyu. Naarî! Tue twaragia ûrîa Kristû angîenda twarie tûrî mbere ya Ngai. Arata etû, ûndû wa wonthe twîkaga twîkaga nîguo mûtetheke.

2Akor 7:11

Nîûndû ûcio taroriani ûrîa Ngai eekire nîûndû wa kîeva kîenyu. Kîeva kîu nîgîatûmire mûgîe na kîîo, gîgîtûma mwende kwonania atî mûtiarî na mavîtia, gîgîtûma mûrakare na mwîtigîre. Nîgîatûmire mwende kûmona, kwîrutîra na kwenda kwona gûgîkwa ûrîa kwagîrîrîte. Nîmwonanîtie atî mûtirî na mavîtia maûndûrî monthe.

Afil 1:17

Acio eengî nîragwetete mbere mativunjagia ûvoro wîgiî Kristû na ngoro ntheru, nwatî mavunjagia marî na merirîria ma wîyendi. Meciragia atî meka ûguo nîmagûtûma nthînue mûno nîrî gûkû njeera.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

2Tim 4:16

Rîrîa naavirirwe cirarî vîndî ya mbere ngeyarîrîrie, gûtirî mûndû warî mbarî yakwa, onthe nîmaandiganîrie.

1Pet 3:15

Nwatî ngororî cienyu vecagani Kristû gîtîîo kîrîa kîmwagîrîrîte ta Mwathani. Vîndî cionthe îthagîrwani mwîvarîrîtie gûcokeria mûndû wa wonthe ûrîa ûngîmûria mûmûtaarîrie ûvoro wîgiî mwîrîgîrîro ûrîa mûrî naguo.