Ciîko 21:7 - ÎVUKU RÎA ÛVORO MWARO

⁷ Nîtwathiîre na mbere na rûgendo rwetû tûrî merirî, na tûkiuma Turo tûgîkinya îtûûrarî rîa Pitolemai, kûrîa twakeethirie ariû na aarî a îthe wetû na tûgîkarania nao mûthenya ûmwe.

Ciîko 21:7 ပူးပေါင်းရင်းမြစ်များ

Mathaayo 5:47

Na ethîrwa mwaragîria tu wa arata enyu, anga kûrî na ûndû mweka ûtekagwa nî andû arîa engî? Wana andû arîa matetîkîtie Ngai nîmekaga wa guo.

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

Ciîko 12:20

Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

Ciîko 18:22

Na rîrîa Paûlo aakinyire Kaisarea, nîwathiîre Jerusalemu, agîkethia andû a kanitha, na agîcoka akîthiî Antiokia.

Ciîko 21:10

Na vuva wa gwîkara kûu mîthenya mînini, mûrathi ûmwe wetagwa Agabo nîwakinyire aumîte Judea.

Ciîko 21:17

Rîrîa twakinyire Jerusalemu, etîkia arîa maarî kuo nîmaatûnyitire ûgeni macanjamûkîte mûno.

Ciîko 21:19

Paûlo nîwamakethirie na akîmeera maûndû monthe marîa Ngai eekîte gatagatîrî ka andû a ndûrîrî na njîra ya wîra wake.

Ciîko 21:3

Natue nîtwakinyire vakuvî mûno na gîcîgîrîra gîa Kuporo. Nîtwavîtûkire tûgîkîonaga kîrî mwena wa rûgûrû na tûkîthiî tûgîkinya Sîria. Natue nîtwatiramire îtûûrarî rîa Turo kûrîa meri yathiîte kûrutwa mîrigo.

Ciîko 25:13

Mîthenya mînini yarîkia kûvîtûka, Mûthamaki Angiripa na Banîci nîmaakinyire Kaisarea mathiîte gûcerera na kûnyita Fesito ûgeni.

Ciîko 28:12

Rîrîa twakinyire îtûûrarî rîa Sirakusi, nîtwekarire kuo îvinda rîa mîthenya îthatû.

Ahib 13:24

Kethiani atongoria enyu onthe wana etîkia onthe. Ariû na aarî a îthe wetû kuuma Italia nîmamûkethia.

1Sam 10:4

Nao magagûkethia na makûve mîgate îrî, nawe ûmîoce.

1Sam 13:10

na arîîkia kûruta kîgongoona kîu nîrîo Samueli aakinyire kuo. Saûlo nîwathiîre gûtûnga Samueli na akîmûnyita ûgeni, nwatî Samueli nîwaûririe atîrî, “Ayia! Nîkwa weka atîa?”