Ciîko 21:3 - ÎVUKU RÎA ÛVORO MWARO

³ Natue nîtwakinyire vakuvî mûno na gîcîgîrîra gîa Kuporo. Nîtwavîtûkire tûgîkîonaga kîrî mwena wa rûgûrû na tûkîthiî tûgîkinya Sîria. Natue nîtwatiramire îtûûrarî rîa Turo kûrîa meri yathiîte kûrutwa mîrigo.

Ciîko 21:3 ပူးပေါင်းရင်းမြစ်များ

2Sam 8:6

Nîwacokire agîtuma ciîkaro cia athigari ake vûrûrirî wa Damesiki, na andû a Sîria nîmaatuîkire ndungata ciake na nîmaarutaga gooti kûrî Daudi. Ngai-Mûnene nîwatûmire Daudi avootane kûrîa kuonthe aathiîcaga.

Thaburi 45:12

Andû a Turo nîmagaakûretera iveo makîyendithia kûrî we; andû arîa itonga nîmakaageragia kwîyendithia kûrî we.

Thaburi 87:4

Misiri na Babuloni nî mamwe ma mavûrûri marîa mambicî; wana andû a Filisiti, Turo na Ethiopia, onthe maaciarîrwe kuo.

Isaia 7:2

Rîrîa mûthamaki wa Juda aamenyithirue atî, andû a Sîria nî manyitanîrîte na andû a Isiraeli, ke na andû ake onthe nîmaanyitirwe nî guoya nyîngî nginya makinaina ta ûrîa mîtî ya kîthakarî inainagua nî rûkûngi.

Mathaayo 11:21

“Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Luka 10:13

“Mue andû a îtûûra rîa Korazini! Na kaî mûrî na thîna-î! Wa namue andû a îtûûra rîa Bethisaida! Na kaî mûrî na thîna-î! Nîûndû angîthîrwa ciama îrîa ciaringirwe matûûrarî menyu ciaringirwe matûûrarî ma Turo na Sidoni, andû akuo mangîekarire nthî tene, mageekîra nguo cia macakaya, na makeminjîria mûu nîguo monanie atî nîmeerirîte mevia mao!

Luka 2:2

Gwîtarithia gûkû kwa mbere gwekirwe vîndî îrîa Kuirinio aarî mûnene wa vûrûri wa Sîria.

Ciîko 11:19

Nao etîkia nîmaanyaganirie nîûndû wa kûnyariirwa kûrîa kwagîîre kuo vîndî îrîa Stefano aarîkirie kûûragwa. Amwe gatagatîrî kao nîmaathiîre nginya magîkinya Foenike, Kuporo na Antiokia. Nao maathiîre kûu kuonthe makîvunjagia ndûmîrîri kûrî Ayahudi onga.

Ciîko 12:20

Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

Ciîko 13:4

Kwoguo, Baranaba na Saûlo, matûmîtwe nî Roho Mûtheru, nîmaanyûrûrûkire Seleucia na kuuma kûu makîthiî marî merirî magîkinya gîcîgîrîrarî gîa Kuporo.

Ciîko 15:23

na makîmatûma, na maarûa îrîa yandîkîtwe atîrî: “Tue atûmwa na athuuri, ariû na aarî a îthe wetû nîtwamûkethia mue ariû na aarî a îthe wetû andû a ndûrîrî arîa mûrî Antiokia, Sîria na Cilicia.

Ciîko 15:39

Nake Paûlo na Baranaba nîmaakararanirie na vinya mûno magîtigana Baranaba nîwocire Maariko na makîthiî na meri kinya Kuporo.

Ciîko 15:41

Nake Paûlo nîwavîtûkîrîre Sîria na Cilicia agîkagîra makanitha vinya.

Ciîko 18:18

Na kwa îvinda rîa mîthenya îngî mîîngî, Paûlo nîwekaranirie na etîkia kûu Korinitho. Nîwacokire akîmatiga na agîtwa meri akîthiî Sîria marî na Pirisila na Akuila. Mbere ya kuuma Kenikerea marî merirî, Paûlo nîwenjirwe njuîrî nîûndû aarî na mwîvîtwa mbere ya Ngai.

Ciîko 21:16

Nao arutwa amwe a kuuma îtûûrarî rîa Kaisarea nîmaathiîcanirie natue na magîtûvira nyomba kwa Munasoni ûrîa twathiîte gwîkara gwake. Ke aarî wa kuuma gîcîgîrîrarî gîa Kuporo na aarî ûmwe gatagatîrî ka etîkia arîa a mbere.

Ciîko 21:2

Na kûu nîtwethîrîrie meri yathiîte vûrûrirî wa Foenike, kwoguo nîtwamîtwîre na tûkîthiî.

Ciîko 21:7

Nîtwathiîre na mbere na rûgendo rwetû tûrî merirî, na tûkiuma Turo tûgîkinya îtûûrarî rîa Pitolemai, kûrîa twakeethirie ariû na aarî a îthe wetû na tûgîkarania nao mûthenya ûmwe.

Ciîko 27:4

Nîtwaumire kûu Sidoni tûtwîte meri na tûkîthiî tûrî mwena wa îrathîro wa gîcîgîrîra gîa Kuporo, nîûndû rûkûngi nîrwavurutanaga rumîte na kûrîa twathiîte.

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.