Ciîko 20:9 - ÎVUKU RÎA ÛVORO MWARO

⁹ Mwanake ûmwe wetagwa Eutîko nîwekarîte ndiricarî. Na wa ûrîa Paûlo aathiîcaga na mbere kwaria nwaguo Eutîko athaagîrîrua nî toro. Na mûthiiarî ke nîwanyitirwe nî toro viû na akîgwa nthî kuuma ngorovarî ya kathatû. Rîrîa maamwocire, aarî mûkuû.

Ciîko 20:9 ပူးပေါင်းရင်းမြစ်များ

1Atha 17:19

Nake Elija nîwerire mûndûmûka ûcio wa ndigwa atîrî, “Rete mûvîcîguo.” Elija nîwacokire agîoca kavîcî kau kuuma njararî cia mûndûmûka ûcio na akîthiî nako ngorovarî, agîtonya nyombarî irîa eekaraga na agîkaigîrîra ûrîrîrî wake.

Maariko 13:36

Kwoguo îîmenyagîrîreni nîguo angîûka wa rîmwe, ndakamwîthîrîrie mûrî toro.

Maariko 9:26

Nayo ngoma îo nîyaugîrîrie, îkinainia kamwana kau na vinya, na îkiuma kûrî ko. Nako kamwana kau nîkaamamire vau ta kimba na andû eengî makaugaga atî nî gakuû.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 20:10

Paûlo nîwanyûrûrûkire kûrî Eutîko, akîînamîrîria varî ke, akîmûkumbatîria na akiuga atîrî, “Tigani kûmaka! Ke arî mwoyo!”

Ciîko 20:7

Na Jumamosi kîvwaî, nîtwacemanîtie vamwe nîûndû wa ngwatanîro ya kwenyûrana mîgate. Nake Paûlo nîwarîrie andû nginya ûtukû gatagatî nîûndû nîwavangîte nîakuuma kûu mûthenya ûcio wîngî.

Ciîko 20:8

Nakuo nyomba ya îgûrû kûrîa tue twacemanîte, nîkwarî na taa nyîngî ciaakanaga.