Ciîko 20:1 - ÎVUKU RÎA ÛVORO MWARO

¹ Na vîndî îrîa înegene rîathirire, Paûlo nîwetire arutwa vamwe. Nake arîkia kûmava ciugo cia kûmaûmîrîria, nîwamaugîre ûvoro na akîmatiga akîthiî Makedonia.

Ciîko 20:1 ပူးပေါင်းရင်းမြစ်များ

Kîam 48:10

Metho ma Jakovu nîmaambîrîrîtie kûûra nîûndû wa gûkûra, kwoguo ndoonaga. Josefu nîwavirire tûvîcî tûu varî Jakovu na nîwamamumunyire na akîmarathima.

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 16:12

Twauma kûu nîtwathiîre tûrî nthî nyûmû tûgîkinya Filipi, îtûûra rîrîa rîathagwa nî Aaroma na rîarî rînene kûu vûrûrirî wa Makedonia. Natue nîtwekarire kûu kwa îvinda rîa mîthenya mîîngî.

Ciîko 16:9

Na ûtukû ûcio, Paûlo nîwagîre na kîoneki na akîona mûndû wa kuuma Makedonia. Nake mûndû ûcio nîwarûngamire na akîmûthaitha akîmwîraga atîrî, “Ûka Makedonia ûgatûtethie!”

Ciîko 19:21

Na rîrîa maûndû mau maarîkirie gwîkîka, Paûlo atongoretue nî Roho nîwatwire îtua atî ke nîakûthiî Jerusalemu avîtûkanîrîrîtie Makedonia na Akaia. Nake nîwaugire atîrî, “Nie narîkia kûthiî Jerusalemu, nîngûcoka kûthiî gûcera Roma.”

Ciîko 20:10

Paûlo nîwanyûrûrûkire kûrî Eutîko, akîînamîrîria varî ke, akîmûkumbatîria na akiuga atîrî, “Tigani kûmaka! Ke arî mwoyo!”

Ciîko 20:2

Paûlo nîwaririe maûndû meengî ma kûmîrîria arutwa a kûndû kuonthe kûrîa ke aavîtûkîrîre akîthiî Makedonia. Nake nîwacokire akîthiî Ngiriki,

Ciîko 20:3

kûrîa ke eekarire kwa îvinda rîa mîeri îthatû. Nwatî vîndî îrîa ke evaaragîria gûtwa meri athiî Sîria, nîwamenyire atî Ayahudi amwe nîmaavangaga kûmûûraga. Kwoguo Paûlo nîwatuire acoke akîvîtûkîra Makedonia akîthiî Sîria.

Ciîko 20:37

Andû onthe nîmaarîrire, makîmûmumunya na makîmugîra ûvoro.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

Aroma 16:16

Kethaniani mûndû na mûndû ûrîa wîngî na ngethi cia kûmumunyana. Nîmwakethua nî makanitha monthe ma Kristû.

1Akor 16:20

Ariû na aarî a îthe wetû onthe arîa marî gûkû nîmamûkethia. Kethaniani na ngethi ntheru cia kûmumunyana.

1Akor 16:5

Nîmvangîte kûvîtûkîrîra Makedonia, na kwoguo nîngaaûka kûrî mue narîkia kûvîtûkîrîra kuo.

2Akor 13:12

Kethaniani wa mûndû na ûrîa wîngî na ngethi ntheru cia kûmumunyana. Andû onthe a Ngai nîmamûkethia.

2Akor 7:5

Vîndî îrîa twakinyire Makedonia, tûtianogoka. Kwarî na mathîna kûndû kuonthe, ngarari na andû arîa engî na tûkîgua guoya ngororî cietû.

1Ath 5:26

Kethiani ariû na aarî a îthe wetû onthe na ngethi ntheru cia kûmumunyana.

1Tim 1:3

Nîrenda wîkare Efeso wata ûrîa nakûthaithire rîrîa nathiîte Makedonia. Andû amwe kûu Efeso nîmarathomithania maûndû matarî ma ma, na nwanginya ûmakaanie matige gwîka ûguo.