Ciîko 2:5 - ÎVUKU RÎA ÛVORO MWARO

⁵ Kûu Jerusalemu nîgwatûûraga Ayahudi maaumîte mavûrûri monthe ma nthî. Andû acio maarî avoi Ngai.

Ciîko 2:5 ပူးပေါင်းရင်းမြစ်များ

Ntha 23:16

“Kûngûagîrani kîrugo Kîam maketha menyu ma mbere ma indo irîa mûvandîte kwenyu mîgûndarî. “Kûngûagîrani kîrugo Kîam ithûnû wa mwaka ûkîthiî kûthira vîndî îrîa mwaketha maciaro kuuma mîgûndarî yenyu ya mîtunda.

Isaia 66:18

Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Zakaria 8:18

Ndûmîrîri ya Ngai-Mûnene mwene vinya wonthe nîyakinyîre Zakaria rîngî na akîrwa atîrî,

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Luka 17:24

Nîûndû wata ûrîa rûveni rûvenagia na rûkamûrîka matu kuuma mwena ûmwe nginya mwena ûrîa wîngî, ûguo nwaguo Mûrû wa Mûndû ageekara mûthenya ûcio wake.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Luka 24:18

Na ûmwe gatagatîrî kao, ûrîa wetagwa Kileopa nîwaûririe Jesû atîrî, “We nwawe mûgeni tu îtûûrarî rîîrî rîa Jerusalemu ûrîa ûtaicî maûndû marîa mekîkîte kuo mîthenyarî îno?”

Johana 12:20

Kwarî Angiriki maarî gatagatîrî ka andû arîa maathiîte îtûûrarî rîa Jerusalemu kûgooca Ngai vîndî ya Kîrugo Kîam pasaka.

Ciîko 10:2

Ke aarî mûndû mwîtîkia Ngai mûno, na vamwe na andû onthe a mûciî wake nîmaagoocaga Ngai. Nake nîwavothagîra Ayahudi arîa maarî athîni arî na ûtaana na akavoyaga Ngai mavinda meengî.

Ciîko 10:7

Rîrîa mûraika ûcio warîrie Korinelio athiîre, Korinelio nîwetire ndungata ciake ciîrî na mûthigari ûmwe wetîkîtie Ngai mûno. Aametire kuuma gatagatîrî ka andû arîa maamûtungatagîra.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 2:1

Na rîrîa mûthenya wa Pentekosto wakinyire, arîa onthe metîkîtie Jesû maagomanîte vamwe Jerusalemu.

Ciîko 22:12

“Na kûu îtûûrarî rîu nîkwarî na mûndû wetagwa Anania. Ke nîwathîkagîra Watho wa Musa mûno na nîwavetwe gîtîîo mûno nî Ayahudi onthe arîa maatûûraga kûu Damesiki.

Ciîko 8:2

Nao etîkia amwe meetîkîtie Ngai mûno nîmaathikire Stefano makîmûrîragîra mûno.

Ciîko 8:27

Kwoguo Filipu nîwaûkîrire na akîthiî. Na arî njîrarî nîwonire mûndû ûmwe wa kuuma Ethiopia warî ngaramba. Mûndû ûcio aarî wa vata mûno na waigaga mbeca cia mûndûmûka wathamakaga Ethiopia wetagwa Kandake. Mûndû ûcio aarî njîrarî enûkîte aumîte Jerusalemu kûgooca Ngai. Nake aathiîte ekarîrîte gîkaari gîake kîgucîtue nî mbarathi, akîthomaga mandîko kuuma îvukuurî rîa mûrathi Isaia.

Gûco 2:25

Kuuma ûmûnthî nîngûtûma andû onthe mamwîtigîre. Andû a nthî yonthe makegucaga mwagwetwa makainaina nî guoya.’

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.