Ciîko 2:47 - ÎVUKU RÎA ÛVORO MWARO

⁴⁷ Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 2:47 ပူးပေါင်းရင်းမြစ်များ

Luka 19:48

Nwatî matingîavotire gwîka guo nîûndû andû onthe mekaraga mamûthikîrîrîtie matakwenda kûvîtûkwa nî kiugo gîake wana kîmwe.

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

Ciîko 11:21

Nao etîkia acio maarî na vinya wa Mwathani na andû gîkundi kînene magîtîkia na makîrûmîrîra Mwathani.

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 14:1

Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 14:21

Paûlo na Baranaba nîmaavunjirie Ûvoro Mwaro îtûûrarî rîa Deribe na makîgîa na arutwa eengî mûno. Nao Paûlo na Baranaba nîmaacokire Listra, Ikonia na Antiokia ya Pisidia.

Ciîko 16:5

Kwoguo makanitha nîmeekîrirwe vinya wîtîkiorî na nîmongererekaga wa mûthenya wa mûthenya.

Ciîko 17:12

Eengî ao nîmeetîkirie. Aka maarî îgweta na athuuri eengî Angiriki, nîmeetîkirie.

Ciîko 2:39

Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 4:21

Kwoguo athuuri a Kîama nîmaamakaanirie na vinya na makîmarekereria makîthiî. Athuuri acio nîmaaturire njîra ya kûmaverithia nîûndû andû onthe nîmaakumagia Ngai nîûndû wa ûndû ûcio wekîkîte.

Ciîko 4:33

Nao atûmwa nîmaarutaga ûira wa kûriûka kwa Mwathani Jesû marî na vinya nyîngî. Nake Ngai nîwamavecaga onthe irathimo nyîngî.

Ciîko 4:4

Nwatî andû eengî gatagatîrî ka arîa meegwire ndûmîrîri îo yavunjagua nî Petero na Johana nîmeetîkirie. Nao arûme arîa meetîkirie nîmongererekire magîkinya kîndû ta ngiri ithano.

Ciîko 6:1

Vuvarî arutwa nîmaathiîre na mbere kwongerereka. Nwatî vîndî wa îo, nîkwagîre na ngucanio gatagatîrî ka Ayahudi arîa maaragia Kîngiriki na Ayahudi arîa maaragia Kîhibirania. Ayahudi arîa maaragia Kîngiriki maaugaga atî aka ao a ndigwa nîmaatigagîrîrwa vîndî ya kûgaîrwa mbeca wa mûthenya wa mûthenya.

Ciîko 6:7

Kwoguo ndûmîrîri ya Ngai nîyathiîre na mbere gûtamba. Nao arutwa nîmoongererekire mûno kûu Jerusalemu, na athînjîri-Ngai eengî magîtuîka etîkia.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Ciîko 9:35

Nao andû onthe arîa maatûûraga kûu gîcagirî Kîam Lîda na Sharoni nîmaamwonire na magîtîkia Mwathani.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,

1Akor 1:18

Nîûndû Ndûmîrîri îrîa îgiî gûkua gwa Kristû mûtharavarî nî ûrimû kûrî arîa maraûra, nwatî kûrî tue arîa tûravonokua ndûmîrîri îo nîyo vinya wa Ngai.