Ciîko 2:45 - ÎVUKU RÎA ÛVORO MWARO

⁴⁵ Mavinda na mavinda etîkia nîmeendagia ithaka wana indo ciao na makagaania mbeca icio kûringana na ûrîa wa mûndû aavataraga.

Ciîko 2:45 ပူးပေါင်းရင်းမြစ်များ

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 19:8

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”

Ciîko 11:29

Nao arutwa nîmaatwire marute mbeca kûringana na ûvoti wa mûndû wa mûndû nîguo matethie etîkia arîa maatûûraga Judea.

Ciîko 4:34

Gûtirî mûndû wana ûmwe gatagatîrî kao waturaga kîndû wana kîrîkû. Arîa maarî na mîgûnda yao kana nyomba nîmaaciendagia, na mbeca irîa moona,

Ciîko 4:35

nîmainenganagîra kûrî atûmwa. Na wa mûndû wa mûndû nîwagaagîrwa mbeca icio kûringana na ûvatari wake.

2Akor 9:1

Gûtirî na vata wa kûmwandîkîra ûndûrî wîgiî ûtethio ûrîa ûratûmîrwa andû a Ngai arîa marî Judea.

2Akor 9:9

Wa ta ûrîa mandîko matheru maugîte atîrî: “Ke avecanaga na ûtaana kûrî arîa mavatarîte, na ntha ciake nî cia tene na tene.”

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?