Ciîko 2:43 - ÎVUKU RÎA ÛVORO MWARO

⁴³ Nacio ciama nyîngî nîciaringirwe na morirû makîonekana na njîra ya atûmwa. Na nîûndû wa ûguo andû onthe nîmeetigîre Ngai.

Ciîko 2:43 ပူးပေါင်းရင်းမြစ်များ

Esita 8:17

Matûûrarî monthe kûrîa ndûmîrîri ya mûthamaki yathomirwe Ayahudi nîmagîre na kîrugo gîa gûkûngûîra na gûkenerera. Andû engî eengî a vûrûri ûcio nîmetuire Ayahudi, nîûndû nîmetigagîra Ayahudi.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Maariko 16:17

Nao etîkia nîmakaavewa ûvoti wa kûringa ciama, wa kûrutûrûra ngoma kuuma kûrî andû na rîîtwa rîakwa na wa kwaria na nthiomi ng'eni.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Luka 8:37

Nao andû onthe a vûrûri ûcio wa Agadarenesi nîmaathaithire Jesû aume kûu kwao nîûndû o nî meegwire guoya nyîngî. Kwoguo Jesû nîwatwîre gatarûrî na agîcoka kûrîa aaumîte.

Johana 14:12

Nie nîramwîra na ma atî: mûndû wa wonthe ûmbîtîkagia ageekaga maûndû ta marîa mbîkaga, na ageekaga maûndû wana manene gûkîra mama nîûndû nînîrathiî kûrî Vava.

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.

Ciîko 4:33

Nao atûmwa nîmaarutaga ûira wa kûriûka kwa Mwathani Jesû marî na vinya nyîngî. Nake Ngai nîwamavecaga onthe irathimo nyîngî.

Ciîko 5:5

Na rîrîa Anania eegwire ciugo icio, nîwagwîre nthî na agîkua. Na andû onthe arîa meegwire ûvoro ûcio nîmegwire guoya mûno.

Ciîko 9:34

Nake Petero nîwamwîrire atîrî, “Aenea, Jesû Kristû nîagûkûvonia wa rîu. Ûkîra na ware ûrîrî waku.” Na wa rîmwe Aenea nîwaûkîrire.

Ciîko 9:40

Nwatî Petero nîwerire andû onthe arîa maarî kuo maume nja. Nake nîwaturirie maru na akîvoya. Nîwacokire akîvûgûka na kûrîa mwîrî ûcio warî na akiuga atîrî, “Tabitha, ûkîra!” Nake nîwavingûrire metho, na vîndî îrîa oonire Petero, nîwekarire nthî.