Ciîko 2:42 - ÎVUKU RÎA ÛVORO MWARO

⁴² Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Ciîko 2:42 ပူးပေါင်းရင်းမြစ်များ

Luka 24:30

Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Luka 24:35

Nao arûmîrîri arîa aîrî nîmaacokire makîmenyithia arutwa acio îkûmi na ûmwe a Jesû wa vamwe na andû acio engî maûndû marîa meekîkire marî njîrarî na ûrîa maamenyire Mwathani kavinda karîa eenyûrangire mûgate.

Ciîko 1:14

Nao nîmaatûnganaga mavinda meengî kûvoya Ngai marî vamwe, na marî na aka wana Mariamu ûrîa ng'ina wa Jesû na aa mûrwang'ina na Jesû.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 20:11

Nake Paûlo nîwacokire akiunûkia nyomba ya îgûrû, akîenyûra mûgate na akîrîa. Ke nîwamaarîrie gwa kavinda karaca nginya gûgîkîa na agîcoka akîmatiga.

Ciîko 20:7

Na Jumamosi kîvwaî, nîtwacemanîtie vamwe nîûndû wa ngwatanîro ya kwenyûrana mîgate. Nake Paûlo nîwarîrie andû nginya ûtukû gatagatî nîûndû nîwavangîte nîakuuma kûu mûthenya ûcio wîngî.

Ciîko 4:23

Nao Petero na Johana marekererua wa rîo nîmaacokire kûrî arata ao na makîmamenyithia maûndû monthe marîa meerîtwe nî anene a athînjîri-Ngai na athuuri.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Ciîko 6:4

Nwatî tue nîtûthiî na mbere kwîvecana ûvororî wîgiî mavoya na wîra wa kûvunjia ndûmîrîri ya Ngai.”

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

1Akor 10:21

Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 14:6

Kwoguo ariû na aarî a îthe wetû, ngaûka kûrî mue ngîaragia na nthiomi, nîngîthîrwa nîrî wa vata ûrîkû kûrî mue? Ndingîthîrwa nîrî na vata kûrî mue wana vanini, tiga nwanga mbûkîte kûmûretere ûguûrio, ûmenyo, ûrathi kana kîthomo.

Agal 1:6

Mue nîmûmakîtie mûno nîûndû vuva wa kavinda kanini, nîmûtiganîrîtie ûrîa wamwîtire na njîra ya wega wa Kristû na mûgetîkîra ûvoro mwaro wîngî.

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

Afil 1:5

nîûndû wa ûrîa mûndethetie gûtambia ûvoro mwaro kuuma mûthenya wa mbere nginya ûmûnthî.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 4:2

Kîragîrîriani kûvoya mwîîguîte na mûgîcokagîria Ngai ngatho.

2Tim 3:14

Nwatî we, thiî na mbere kûrûmîrîra ûvoro wa ma ûrîa wathomithirue ûkîwîtîkia na ûgîûkindîria nîûndû nîwîcî arîa maakûthomithirie.

Ahib 10:25

Tûtigatige gûcemanagia vamwe ta ûrîa andû amwe mamenyerete gwîkaga. Nwatî nîkava tûûmanagîrîrie mûndû na ûrîa wîngî nîûndû nîmûrona atî Mûthenya wa Mwathani nîûkuvîvîrîtie.

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

Juda 1:20

Nwatî mue arata akwa, îkaragani mûgîkûraga wîtîkiorî wenyu ûrîa mûtheru viû. Voyagani mûrî na vinya wa Roho Mûtheru.