Ciîko 2:40 - ÎVUKU RÎA ÛVORO MWARO

⁴⁰ Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

Ciîko 2:40 ပူးပေါင်းရင်းမြစ်များ

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Jeremia 51:45

“Andû akwa umani vakuvî nake! Wa mûndû athare mwoyo wake kuuma kûrî marakara manene ma Ngai-Mûnene.

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 16:4

Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî.

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Luka 16:28

nîûndû nîrî na aa mûrwaiya atano nîguo athiî akamakanie matigeke ta ûrîa nekaga nîguo wa nao matigaûke gûkû mathînarî mama.’

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Johana 21:25

Kûrî maûndû mengî meengî Jesû eekire. Angîthîrwa maûndû mau monthe nîmaandîkirwe, nîreciria wana nthî yonthe ndîngîganîra mavuku marîa mangîandîkwa.

Ciîko 10:42

Ke nîwatwathire tûvunjîrie andû na tûrute ûira tûmere atî ke nîke wathuurirwe nî Ngai atuîre andû onthe arîa marî mwoyo na arîa akuû.

Ciîko 15:32

Nao Judasi na Sailasi, arîa maarî arathi, nîmaaririe maûndû meengî ma kûmîrîria etîkia na kûmekîra vinya.

Ciîko 20:11

Nake Paûlo nîwacokire akiunûkia nyomba ya îgûrû, akîenyûra mûgate na akîrîa. Ke nîwamaarîrie gwa kavinda karaca nginya gûgîkîa na agîcoka akîmatiga.

Ciîko 20:2

Paûlo nîwaririe maûndû meengî ma kûmîrîria arutwa a kûndû kuonthe kûrîa ke aavîtûkîrîre akîthiî Makedonia. Nake nîwacokire akîthiî Ngiriki,

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 20:9

Mwanake ûmwe wetagwa Eutîko nîwekarîte ndiricarî. Na wa ûrîa Paûlo aathiîcaga na mbere kwaria nwaguo Eutîko athaagîrîrua nî toro. Na mûthiiarî ke nîwanyitirwe nî toro viû na akîgwa nthî kuuma ngorovarî ya kathatû. Rîrîa maamwocire, aarî mûkuû.

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Agal 5:3

Wa rîngî nîngwîra mûndû wa wonthe wîtîkagîra kûrua atî ke nîwagîrîrwe nî kwathîkîra watho wonthe.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Gûco 32:5

Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

1Ath 2:11

Nîmwîcî atî twekaga mûndû wa wonthe wata ûrîa îthe wa mûndû ekaga ciana ciake.

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

1Pet 5:12

Namwandîkîra maarûa îno nini ûguo ngîtethagîrîrua nî Silivano, ûrîa mbîcî nî mûkristiano wa tatue na nî mwîvokeku. Nîrenda kûmûmîrîria na nîmûrutîre ûira wakwa nîmwîre atî, ûyû nîguo wega wa ma wa Ngai. Îkaragani mwîkindîrîtie ndaarî yaguo.