Ciîko 2:39 - ÎVUKU RÎA ÛVORO MWARO

³⁹ Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Ciîko 2:39 ပူးပေါင်းရင်းမြစ်များ

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Isaia 57:19

Nînie Ngai-Mûnene ngaamava thayû, thayû kûrî arîa marî kûraca na arîa marî gûkuvî! Nînie ngaavonia andû akwa.

Isaia 59:19

Kuuma mwena wa îthûîro, wa mûndû nîagetigîra rîîtwa rîa Ngai-Mûnene, na onanie riiri wake kuuma mwena wa îrathîro. Nîûndû Ke agaaûka ta rûnjî rûvinyûrîte, rûtindîkîtwe nî rûkûngi rûnene rwa Ngai-Mûnene.

Isaia 59:20

Ngai-Mûnene arera andû ake atîrî, “Ngaaûka Zayuni nîrî Mûkûri wa andû a njiarwa cia Jakovu arîa magaatiganîria mevia mao.

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Joeli 2:32

Nwatî andû onthe arîa makaavoya Ngai-Mûnene amatethie, nîmakaavonokua. Nîûndû kîrîma gîa Zayuni na Jerusalemu, nîgûkethîrwa na ‘andû makaavonoka, arîa magaatigara nî arîa nie nthurîte, ta ûrîa mbugîte nie Ngai-Mûnene.’ ”

Ciîko 10:45

Nao etîkia a Kîyahudi arîa maaûkanîtie na Petero maumîte Jopa, nîmaamakire mûno nîûndû kîveo Kîam Roho Mûtheru nîkîavecanîtwe wana kûrî Andû a Ndûrîrî.

Ciîko 14:27

Na rîrîa Paûlo na Baranaba maakinyire Antiokia, nîmaacokanîrîrie andû a kanitha vamwe, na makîmeera maûndû monthe marîa Ngai eekîte na njîra yao. Nîmaamerire wana ûrîa Ngai aavete andû a ndûrîrî kanya ga gwîtîkia.

Ciîko 15:14

Simioni nîwatwîra ûrîa Ngai mbere onanirie ûmenyereri wake kûrî andû a ndûrîrî. Ke eekire ûguo na njîra ya gwîta andû amwe kuuma gatagatîrî kao nîguo matuîke ake.

Ciîko 15:3

Kwoguo kanitha nîyamaugîre ûvoro, nao makîvîtûkîrîra mavûrûrirî ma Foenike na Samaria makîvecaga andû ûvoro wîgiî ûrîa andû a ndûrîrî maagarûrûkîte. Naguo ûvoro ûcio nîwatûmire etîkia onthe makene mûno.

Ciîko 15:8

Nake Ngai ûrîa ûmenyaga meciria ma andû onthe, nîwametîkîre. Ke nîwonanirie ûndû ûcio na njîra ya kûmava Roho Mûtheru wata ûrîa eekîte kûrî tue.

Aroma 11:29

Nîûndû Ngai arathuura mûndû na akîmûrathima, ndagarûrûkaga.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Aroma 9:24

Tue nîtue andû arîa Ngai eetire, amwe maarî Ayahudi na amwe maarî andû a Ndûrîrî.

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

1Akor 7:14

Nîûndû mûthuuri ûrîa ûtetîkîtie nîwîtîkagîrwa nî Ngai nîûndû wa kûnyitana na mûka. Nake mûndûmûka ûrîa ûtetîkîtie nîwîtîkagîrwa nî Ngai nîûndû wa kûnyitana na mûthuuriwe. Angîthîrwa ûguo tîguo kûrî, ciana cienyu itingîrî ntheru, nwatî ûrîa kûrî nî atî ciana icio nîciîtîkagîrwa nî Ngai.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 2:12

Vîndî îo mûtiarî na Kristû. Mûtiarî a ngwatanîro ya andû arîa Ngai athuurîte na kwoguo mwarî ageni. Mûtiarî na vandû irîkanîrorî irîa ciaumanîte na ciîranîro cia Ngai kûrî andû ake. Mwatûûraga gûkû nthî îno mûtarî na mwîrîgîrîro na mûtarî na Ngai.

Aefeso 4:4

Kûrî mwîrî ûmwe na Roho ûmwe, wata ûrîa kûrî mwîrîgîrîro ûmwe ûrîa Ngai amwîtîrîte.

Gûco 29:15

nwatî arakîrûtha natue tuonthe arîa tûrî ava ûmûnthî wana nîûndû wa njiarwa cietû irîa igaaûka.

2Ath 1:11

Kîu nîkîo gîtûmaga tûmûvoere vingo cionthe. Nîtûvoyaga Ngai wetû nîguo amûtue agîrîru kûringana na ûrîa amwîtîte mûtûûre. Na njîra ya vinya wake, ke aratûma mûvingie maûndû monthe maro marîa mwîriragîria na mûvingie wîra wonthe ûrîa umanîte na wîtîkio wenyu.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

2Pet 1:10

Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”