Ciîko 2:23 - ÎVUKU RÎA ÛVORO MWARO

²³ Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 2:23 ပူးပေါင်းရင်းမြစ်များ

Kîam 50:20

Mweciragia mwambîkaga ûndû mûcûku, nwatî Ngai nîwatûmire ûndû ûcio ûtuîke mwaro nîguo andû engî matigakue wata ûrîa mûrona gwîkariî ûmûnthî.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Mathaayo 27:35

Nao nîmaamwambire mûtharavarî na magîcoka makîûthîra nguo ciake na makîigaana.

Maariko 15:24

Nîmaamwambire, makîgaania nguo ciake na magîciûthîra nîguo mamenye gîcunjî kîrîa wa mûndû akûthiî nakîo.

Luka 22:22

Mûrû wa Mûndû nîagûkua wata ûrîa Ngai atuîte, nwatî kaî mûndû ûrîa ûkamûcukanîrîra arî na thîna-î!”

Luka 22:37

Nîûndû nîramwîra atî Mandîko Matheru marîa maugîte atîrî, ‘Nîwatuîrîrwe ûndû ûmwe na imaramari,’ nwa nginya mavingue; nîûndû maûndû marîa mandîkîtwe îgûrû rîakwa nî vîndî maravinga.”

Luka 23:33

Rîrîa maakinyire vandû vetagwa, “Îvîndî rîa Kîongo,” nîmaambire Jesû vo wa vamwe na ageri ngero acio aîrî, ûmwe mwena wake wa ûrîo, na ûcio wîngî mwena wake wa ûmotho.

Luka 24:20

Nao athînjîri-Ngai etû arîa anene na atongoria nîmaramûnenganîre kûrî anene a Roma, arîa maramûtuîrîre aûragwe na ambwe mûtharavarî.

Johana 19:18

Vau nîvo maambire Jesû mûtharavarî. Nîmaacokire makîamba andû engî aîrî vakuvî na Jesû, ûmwe mwena wa ûrîo, na ûcio wîngî mwena wake wa ûmotho.

Johana 19:24

Athigari acio nîmaambîrîrie kwîrana atîrî, “Vandû va kûmîatûrana tigani tûmîûthîre nîguo tûmenye nî ûrîkû ûkûthiî nayo.” Ûndû ûyû wekîkire nîguo Mandîko Matheru mavinge marîa maugîte atî: “Nîmaagaanirie nguo ciakwa, na makîûthîra kanjû yakwa.” Na ûguo nwaguo athigari meekire.

Ciîko 13:27

Andû arîa matûûraga Jerusalemu na atongoria ao matiamenya atî Jesû nîke Mûvonokia. O matiataûkîrwa nî ciugo irîa arathi maandîkire, irîa ithomagwa mîthenya yonthe ya thavatû. Nwatî o nîmaaivingirie vîndî îrîa maaugire atî Jesû aarî na ûcuke.

Ciîko 15:18

Ûguo nîguo Mwathani augîte. Ke nîke watûmire maûndû mau mamenyeke kuuma tene.’

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ciîko 5:30

Mue nîmwaûragire Jesû na njîra ya kûmwamba mûtharavarî îgûrû. Nwatî Ngai wa methe metû ma tene nîwamûriûkirie.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Aroma 2:12

Andû onthe arîa mevîtie matarî wathorî makaathirua vatarî watho, nao andû arîa mevîtie marî wathorî magaatuîrwa kûringana na watho.

Aroma 4:17

Mandîkorî matheru kwandîkîtwe atîrî, “Nie nîngûtuîte îthe wa ndûrîrî nyîngî.” Kwoguo kîîranîro kîu nî Kîamro methorî ma Ngai ûrîa wetîkîtue nî Iburahimu. Ke nî Ngai ûrîa ûriûkagia akuû na ûrîa ûtûmaga kûgîe na indo irîa itatûûraga kuo.

1Ath 2:15

arîa maaûragire Mwathani Jesû na arathi na magîtûnyarira. Matiakenia Ngai na nîmaareganaga na andû onthe.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.

1Pet 1:20

Kristû aathuurirwe nî Ngai mbere ya nthî kûmbwa, nwatî rîu mîthenyarî îno ya kûrigîrîria nîaguûrîtue nîûndû wenyu.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.