Ciîko 2:22 - ÎVUKU RÎA ÛVORO MWARO

²² “Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.

Ciîko 2:22 ပူးပေါင်းရင်းမြစ်များ

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Mathaayo 12:28

Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Mathaayo 9:8

Na rîrîa andû moonire ûrîa gwekîka, nîmeetigîrire na magîkumia Ngai nî ûndû wa kûva andû wathani ta ûcio.

Luka 11:20

Nwatî ethîrwa Ngai nîke ûmvotithagia kûrutûrûra ngoma, ûguo nî kwonania atî Ûthamaki wa Ngai nîûrîkîtie gûka kûrî mue.

Luka 18:37

Nao andû nîmaamûcokerie atîrî, “Nî Jesû wa Nazarethi ûvîtûkîte.”

Luka 24:18

Na ûmwe gatagatîrî kao, ûrîa wetagwa Kileopa nîwaûririe Jesû atîrî, “We nwawe mûgeni tu îtûûrarî rîîrî rîa Jerusalemu ûrîa ûtaicî maûndû marîa mekîkîte kuo mîthenyarî îno?”

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 10:37

Angîthîrwa ndireka maûndû marîa Vava endaga mbîke, gûtirî na vata wa kûmbîtîkia.

Johana 11:47

Kwoguo Afarisai na anene a athînjîri-Ngai nîmaagomanire na Kîamma Kîam Ayahudi. Nao nîmaaûranirie atîrî, “Nîtwîka atîa? Mûndû ûyû nîararinga ciama nyîngî mûno!

Johana 12:17

Nao andû arîa maarî nake vîndî îrîa eetire Lazaro kuuma mbîrîrarî na akîmûriûkia, nîmaathiîre na makîva kîrîndî ûvoro wa ûrîa Jesû eekire.

Johana 15:24

Ndangîekire maûndû marîa mataneekwa nî mûndû wîngî gatagatîrî kao, matingîatuirwe evia. Nwatî rîu nîmonete maûndû marîa nekire na nîmamenete na makamena Vava.

Johana 19:19

Pilato nîwandîkithirie kîmenyithia na akiuga gîcuurue mûtharavarî wa Jesû. Nakîo kîmenyithia kîu Kîamndîkîtwe atîrî, “Jesû wa Nazarethi, Mûthamaki wa Ayahudi.”

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

Johana 5:36

Nwatî nîrî na ûira ûmbîgiî ûkîrîte wa Johana. Maûndû marîa Vava aambîrire mbîkage nîmo maumbûraga atî Vava nîke wandûmire.

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Johana 7:31

Nao andû eengî nîmaamwîtîkirie na makiuga atîrî, “Rîrîa Mesaya agaaûka, nîakaaringa ciama nyîngî gûkîra irîa cianaringwa nî mûndû ûyû?”

Johana 9:33

Mûndû ûcio atangîaumire kûrî Ngai, ndangîravota gwîka wanarî ûndû.”

Ciîko 13:16

Nake Paûlo nîwarûngamire, akîmaveneria na njara yake na akiuga atîrî: “Andû a Isiraeli wa namue muonthe andû a ndûrîrî arîa mûgoocaga Ngai na mûrî ava: mwenda tu tathikîrîriani!

Ciîko 14:27

Na rîrîa Paûlo na Baranaba maakinyire Antiokia, nîmaacokanîrîrie andû a kanitha vamwe, na makîmeera maûndû monthe marîa Ngai eekîte na njîra yao. Nîmaamerire wana ûrîa Ngai aavete andû a ndûrîrî kanya ga gwîtîkia.

Ciîko 2:19

Nie nîngaaringa ciama matuurî îgûrû, na monanie morirû gûkû nthî. Nîgûkaagîa nthakame, mwaki na ndogo ndumanu.

Ciîko 2:43

Nacio ciama nyîngî nîciaringirwe na morirû makîonekana na njîra ya atûmwa. Na nîûndû wa ûguo andû onthe nîmeetigîre Ngai.

Ciîko 21:28

Nao nîmaaugîrîrie atîrî, “Andû a Isiraeli! Tûtethererieni! Mûndû ûyû nîke ûthiîcaga kûndû kuonthe akîthomithagia andû onthe maregane na andû a Isiraeli, Watho wa Musa na hekarû îno. Na rîu ke wana nîwarete amwe a andû a ndûrîrî gûkû hekarûrî na nîmekîrîte kûndû gûkû kwamûrîrîtwe Ngai mûgiro!”

Ciîko 22:8

Nanie nînaûririe atîrî, ‘We wî û, Mwathani?’ Nake nîwambîrire atîrî, ‘Nie nînie Jesû wa Nazarethi, ûrîa ûranyarira.’

Ciîko 24:5

Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.

Ciîko 26:26

Mûthamaki Angiripa! Nîrakwarîria nîrî na ûmîrîru, nîûndû we nîwîcî ûvoro wîgiî maûndû mama. Nîrî na ma atî we nîwîguîte ûvoro wîgiî maûndû mama monthe, nîûndû maûndû mama matiekagîrwa nthithorî.

Ciîko 26:9

“Nie mwene nîneciragia atî nîmbagîrîrwe nî gwîka maûndû monthe marîa nîngîvota ma kûregana na ûvoro wîgiî Jesû wa Nazarethi.

Ciîko 3:12

Rîrîa Petero oonire andû acio, nîwamerire atîrî: “Mue andû etû a Isiraeli, ûndû ûyû ûmûmakîtie nîkî? Mûtûroretie na vinya ûguo nîkî? Nîkwa mûreciria atî nî vinya kana ûngai wetû ûtûmire mûndû ûyû athiî na magûrû?

Ciîko 3:6

Nwatî Petero nîwamwîrire atîrî, “Nie ndirî na mbeca, nwatî nîngûkûva kîrîa nîrî nakîo. Na rîîtwa rîa Jesû Kristû wa Nazarethi, nie nakwîra ûûkîre na wîthiîre!”

Ciîko 4:10

Tûrenda mue muonthe na andû onthe a Isiraeli mûmenye atî, mûndû ûyû aravonirue na rîîtwa rîa Jesû Kristû wa Nazarethi. Mue mwambire Jesû mûtharavarî îgûrû, nwatî Ngai nîwamûriûkirie. Mûndû ûyû ûronjete magûrû arûngamîte ava mbere yenyu nîûndû wa vinya wa Jesû.

Ciîko 5:35

Nîwacokire akîîra akîama acio atîrî, “Mue andû aya etû a Isiraeli, menyererani ûrîa mûgwîka na andû aya.

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

2Akor 12:12

Ciama nyîngî na morirû irîa cionanagia atî nîrî mûtûmwa wa ma nîciaringirwe gatagatîrî kenyu na ûkirîrîria mwîngî.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.