Ciîko 2:10 - ÎVUKU RÎA ÛVORO MWARO

¹⁰ Furegia na Pamufilia, kuuma Misiri na kuuma vûrûri wa Lîbia kûrîa gûkuvî na Kurene. Amwe etû twî a kuuma Roma,

Ciîko 2:10 ပူးပေါင်းရင်းမြစ်များ

Kîam 12:10

Nakuo kûu vûrûrirî wa Kanaani nîkwagîre na yûra rînene. Kwoguo Aburamu nîwathiîre Misiri gwîkara kuo.

Esita 8:17

Matûûrarî monthe kûrîa ndûmîrîri ya mûthamaki yathomirwe Ayahudi nîmagîre na kîrugo gîa gûkûngûîra na gûkenerera. Andû engî eengî a vûrûri ûcio nîmetuire Ayahudi, nîûndû nîmetigagîra Ayahudi.

Jeremia 46:9

Thiîni na mbere mue mbarathi, tharîkîrani mue ikaari cia mbarathi! Athigari a mbaara nîmaumagare, arûme a Ethiopia na Puti arîa makuuaga ngo, arûme a Ludi arîa maicî kûratha na ûta.”

Jeremia 9:26

Misiri, Juda, Edomu, njiarwa cia Amoni, Moabu na andû onthe arîa matûûraga werûrî na menjaga njuîrî ciao igakuvîva mîena. Andû a ndûrîrî ino cionthe na andû onthe a Isiraeli tî aruu ngororî.”

Ezek 30:5

“Athigari a mbaara arîa maanyitanîre na andû a Misiri: athigari kuuma Ethiopia, Puti, Ludi na andû onthe kuuma Arabia, Lîbia nîmakaaûragwa marî vamwe mbaararî.”

Danieli 11:43

Kûrîa kuonthe ûtonga wa Misiri wa thaavu, sîlûva, na indo cia goro ûkethîrwa ûrî, nî gûgaatavwa nî mûthamaki wa Sîria. Nîakaavoota vûrûri wa Lîbia na wa Ethiopia.

Hosea 11:1

Rîrîa Isiraeli aarî mwana nînamwendire, namûruta Misiri nînamwîtire mwana wakwa.

Zakaria 8:20

Ngai-Mûnene mwene vinya wonthe augîte atîrî, “Andû kuuma mavûrûrirî na matûûrarî meengî nîmagaaûka Jerusalemu.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Mathaayo 2:15

Nao nîmeekarire kuo nginya rîrîa Herode aakwire. Maûndû mama mekirwe nîguo ûvoro ûrîa Ngai aaririe na kanyua ka mûrathi ûvinge, rîrîa aaugire atîrî, “Nînetire Mûriû wakwa aume vûrûri wa Misiri.”

Mathaayo 23:15

“Na kaî mue arimû a Watho na Afarisai mûrî na thîna-î! Mvinga ino. Mue mûringaga maria na mûgatuîkania mavûrûri nîguo mûgarûre mûndû ûmwe atuîke wa ndini yenyu. Na vîndî îrîa mwamûgarûra, nîmûtûmaga atuîke wa gûgaaikua îcuarî maita maîrî ma ûrîa mue mûgaaikua.

Mathaayo 27:32

Marî njîrarî, nîmaatûnganire na mûndû waumîte Kurene wetagwa Simoni na makîmûringîrîria akuuîre Jesû Mûtharava.

Maariko 15:21

Na marî njîrarî, nîmaatûnganire na mûndû wetagwa Simoni aumîte ya mîgûndarî na makîmûringîrîria akuuîre Jesû mûtharava. (Simoni aarî wa kuuma Kurene na aarî îthe wa Alekisanda na Rufasi.)

Ciîko 11:20

Amwe gatagatîrî ka etîkia acio maarî andû a kuuma Kuporo na Kurene. Na rîrîa o maakinyire Antiokia, nîmaarîrie wana Angiriki na makîmavunjîria Ûvoro Mwaro wîgiî Mwathani Jesû.

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

Ciîko 13:13

Nake Paûlo na arîa maarî nake nîmaathiîre marî îtarûrî kuuma Pafosi nginya magîkinya Periga vûrûrirî wa Pamufilia, kûrîa Johana Maariko aamatigire na agîcoka Jerusalemu.

Ciîko 13:43

Na rîrîa mûcemanio ûrîa warî îvoerorî warîkire, Ayahudi eengî na andû a ndûrîrî eengî agooci Ngai arîa maagarûrîtwe magatonya ndinirî ya Ayahudi nîmaarûmîrîre Paûlo na Baranaba. Nao Paûlo na Baranaba nîmamaarîrie na makîmaûmîrîria matûûre mevokete wega wa Ngai.

Ciîko 14:24

Nao nîmaacokire makîvîtûkîrîra vûrûrirî wa Pisidia, na magîkinya Pamufilia.

Ciîko 15:38

Nwatî Paûlo eeciragia tî waro mathiîcanie nake, nîûndû Maariko nîwaregete kûrutithania wîra nao na akîmatiga Pamufilia.

Ciîko 16:6

Nake Paûlo na andû arîa maathiîcanîtie nake nîmaavîtûkîrîre mavûrûrirî ma Furîgia na Galatia nîûndû Roho Mûtheru nîwamagiririe matikavunjie Ûvoro Mwaro kûu vûrûrirî wa Asia.

Ciîko 17:21

(Andû onthe a Athene na arîa engî maatûûraga kuo maumîte mavûrûrirî mageni nîmeendete mûno gûtûmîra mavinda mao monthe kûvecana na kûthikîrîria ûndû wa wonthe mûgeni.)

Ciîko 18:2

Kûu nîkuo aatûnganire na Mûyahudi wetagwa Akuila waciarîrîtwe Pontasi. Nwatî Akuila marî na Pirisila, ûrîa warî mûndûmûka wake, methîrîtwe maauma Italia, nîûndû Mûthamaki Kilaudio nîwathanîte akauga Ayahudi onthe nwa nginya maume kûu Roma. Nake Paûlo nîwathiîre gûcerera Akuila na Pirisila,

Ciîko 18:23

Na vuva wa gwîkara kuo kwa îvinda rîîgana ûndû mûna, nîwaumire kuo na akîthiî avîtûkîrîrîte vûrûrirî wa Galatia na Furîgia akîûmagîrîria arutwa onthe.

Ciîko 2:11

Ayahudi wana andû arîa magarûrûkîte magacoka gûtuîka a kûrûmîrîra Kîyahudi. Nao arîa engî etû nî a kuuma Kurene na Arabia. Nwatî tuonthe nîtûregua andû acio makîaria na nthiomi cietû, marerana ûvoro wa maûndû manene marîa Ngai ekîte!”

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 27:5

Natue nîtwaringire îria tûrî vakuvî mûno na mavûrûri ma Kilikia na Pamufilia na tûgîkinya îtûûrarî rîa Mura kûu Lukia,

Ciîko 28:15

Nao ariû na aarî a îthe wetû arîa maarî kûu Roma nîmegwire ûvoro wetû na magîûka nginya matûûrarî ma Thoko ya Apio na Mîkawa Îthatû gûtûtûnga. Na rîrîa Paûlo aamoonire, nîwagîre na ûmîrîru mwîngî na agîcokia ngatho kûrî Ngai.

Ciîko 6:5

Nao etîkia onthe nîmaakenerere woni ûcio. Kwoguo nîmaathuurire Stefano, mûndû warî na wîtîkio mwîngî na wecûrîtwe nî Roho Mûtheru, na Filipu, na Prokoru, Nikanoru, Timoni, Paraminasi na Nikola, mûûrûrîrî ûrîa waumîte Antiokia na wagarûrûkîte agatuîka Mûyahudi.

Ciîko 6:9

Nwatî andû amwe arîa maarî a îvoero rîrîa rîtagwa (rîa andû oovore) nîmaambîrîrie gûkararania nake. Amwe maaumîte Kurene na Alekisandiria. Nao engî maaumîte Kilikia na Asia.

Aroma 1:15

Kwoguo nînîriragîria mûno kûvunjia Ûvoro Mwaro wana kûrî mue arîa mûtûûraga Roma.

Aroma 1:7

Kwoguo nîramwandîkîra maarûa îno muonthe arîa mûtwîre Roma, mue arîa mwendetwe nî Ngai na mwîtîtwe mûtuîke andû ake. Wega na thayû wa Ngai Îthe wetû na wa Mwathani Jesû Kristû irogîa namue.

2Tim 1:17

nwatî rîrîa aakinyire Roma nîwanjaririe nginya akîmona.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.