Ciîko 19:9 - ÎVUKU RÎA ÛVORO MWARO

⁹ Nwatî Ayahudi amwe nîmaaûmirie ngoro ciao makîrega gwîtîkia na magîcambîrîria Njîra ya Mwathani andû onthe makîgucaga. Kwoguo Paûlo nîwamatigire, agîoca arutwa makîthiî nao nyombarî ya kûthomithîria andû ya mûndû wetagwa Tairano. Na wa mûthenya wa mûthenya Paûlo nîwaranagîria na andû kuo

Ciîko 19:9 ပူးပေါင်းရင်းမြစ်များ

2Atha 17:14

Nwatî nîmaaregire kwathîka; nîmaaûmirie ngoro ciao wata methe mao arîa maaregire gwîtîkia Ngai-Mûnene Ngai wao.

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Thaburi 95:8

“Mûtikaûmie ngoro cienyu ta ûrîa methe menyu meekire marî Meriba, mûthenya ûrîa maarî Masa werûrî.

Nthi 8:34

Gûkena nî mûndû wa wonthe ûrîa ûnthikagîrîria, ûrîa wîkaraga kîvingorî gîakwa mûthenya wa mûthenya, ûrîa wetagîrîra mûromorî wa nyomba yakwa.

Isaia 8:14

Nie ngaatuîka kûndû gwa kûrîra, ngatuîka ta îthiga rîa kûmavînga, îthiga rîa kûvînga mothamaki ma Juda na Isiraeli; na nduîke mûtego wa kûnyita andû a Jerusalemu.

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 16:4

Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî.

Mathaayo 26:55

Nake Jesû nîwaûririe kîrîndî atîrî, “Mûkîte kûnyita mûkuîte mviû na njokoma takwa nî mûcunani? Nîrekaraga hekarûrî mûthenya wa mûthenya ngîthomithagia na matingînyiita.

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 14:4

Nao andû a îtûûra rîu nîmaagaûkanire. Amwe nîmeetîkanirie na Ayahudi, na acio engî magîtîkania na atûmwa.

Ciîko 17:4

Nao Ayahudi amwe, aka arîa maarî îgweta na gîkundi kînene Kîam Angiriki maagoocaga Ngai, nîmeetîkirie na makînyitanîra na Paûlo na Sailasi.

Ciîko 19:23

Na îvindarî rîu kûu Efeso nîkwagîre na mathîna meengî mûno nîûndû wa Njîra ya Mwathani.

Ciîko 19:30

Paûlo nîwendaga kuumîra mbere ya kîrîndî nîguo akîarîrie, nwatî etîkia matiamwîtîkîria.

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

Ciîko 22:4

Nînaanyariraga andû arîa maarûmagîrîra Njîra îno ya Mwathani. Nînaanyitaga arûme na aka na ngamavingîrithia njeera.

Ciîko 24:21

Nwatî nîkûrî na ûndû ûmwe nekire. Vîndî îrîa naarûngamîte mbere yao nînaugîrîrie atîrî: ‘Nie nîracirithua ûmûnthî nîmue nîûndû nîmbîtîkîtie atî akuû nîmakaariûka.’ ”

Ciîko 28:22

Nwatî nîtûrenda kûmenya meciria maku, nîûndû nîtwîcî atî kûndû kuonthe andû nîmaramenereria gîkundi kîu Kîam ndini kîrîa we ûrî wakîo.”

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Ciîko 9:2

na agîtia maarûa cia kûmûmenyithania mavoerorî marîa maarî îtûûrarî rîa Damesiki, nîguo angîona arûmîrîri a njîra ya Mwathani, arûme kana aka, amanyite na amacokie Jerusalemu.

Aroma 11:7

Ûrîa kûrî nî atî Aisiraeli matiavota kûgîa na kîrîa maatwîre macaragia. Nwatî gakundi kanini karîa Ngai aathuurire nîkaavotire kûgîa na kîrîa maacaragia. Acio engî metirwe nî Ngai makîûrîria matû kîrong'oi.

Aroma 9:18

Kwoguo Ngai nîegucagîra ntha ûrîa enda kwîguîra, na ûrîa enda kûmia ngoro nîamûûmagia.

1Akor 16:9

Nîûndû gûkû kûrî na kanya ga kûruta wîra mûnene na mwaro wana ethîrwa kûrî na andû eengî mararegana nanie.

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

2Tim 1:15

Nîwîcî atî andû onthe vûrûrirî wa Asia nîmandiganîrîtie, amwe ao nî Fugelo na Herimogene.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

2Pet 2:12

Nwatî mekaga maûndû matambîte gwîciiria ta nyamû cia kîthaka irîa ciaûmbirwe nîguo inyitagwe na ikaûragwa. Matonyagîrîra na irumi maûndû marîa matarataûkîrwa nîmo. Makaathirua wata nyamû cia kîthaka.

2Pet 2:2

Nao andû eengî nîmakûrûmîrîra mîtugo yao ya waganu na nîûndû wa maûndû marîa mekaga, andû engî nîmagaacambia njîra ya ûma.

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.