Ciîko 19:8 - ÎVUKU RÎA ÛVORO MWARO

⁸ Na kwa îvinda rîa mîeri îthatû, Paûlo nîwathiîcaga îvoerorî na akavecanaga ûvoro arî na ûmîrîru. Nîwaranagîria na Ayahudi na akageragia kûmeguithia nîguo metîkîre maûndû marîa ke aaragia megiî Ûthamaki wa Ngai.

Ciîko 19:8 ပူးပေါင်းရင်းမြစ်များ

Ciîko 1:3

Vuva wa gûkua gwake Jesû nîweyonithanirie na njîra nyîngî atî aarî mwoyo. Îvindarî rîa mîthenya mîrongo îna kuuma akua nîwamaumîrîre na akîmeera ûvoro wîgiî Ûthamaki wa Ngai.

Ciîko 13:14

Nao nîmaavîtûkire Periga na makîthiî magîkinya Antiokia vûrûrirî wa Pisidia. Na mûthenya wa thavatû nîmaathiîre îvoerorî na magîkara nthî kuo.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 14:1

Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 17:17

Kwoguo arî îvoerorî nîwaranîrie na Ayahudi na andû a ndûrîrî arîa meetîkîtie Ngai mûno. Na wa mûthenya wa mûthenya ke nîwaranagîria na andû arîa methagîrwa marî kûu thokorî.

Ciîko 18:19

Na rîrîa maakinyire Efeso, Paûlo nîwatigire Pirisila na Akuila na akîthiî agîtonya îvoerorî na akîaranîria na Ayahudi.

Ciîko 18:26

Ke nîwambîrîre kwaria îvoerorî arî na ûmîrîru. Nwatî vîndî îrîa Pirisila na Akuila maamwîgwire, nîmaamûvirire kwao mûciî na makîmûtaarîria na njîra îno mbaro makîria, ûvoro wîgiî Njîra ya Ngai.

Ciîko 18:4

Na wa mûthenya wa thavatû arî îvoerorî, Paûlo nîwaranagîria na Ayahudi na Angiriki akîgeria kûmeguithia matuîke etîkia.

Ciîko 19:10

kwa îvinda rîa mîaka îîrî. Na nîûndû wa ûguo, Ayahudi onthe na andû a ndûrîrî onthe arîa maarî kûu vûrûrirî wa Asia, nîmegwire kiugo Kîam Mwathani.

Ciîko 19:7

Nao andû onthe arîa maarî vo maarî kîndû ta îkûmi na aîrî.

Ciîko 19:9

Nwatî Ayahudi amwe nîmaaûmirie ngoro ciao makîrega gwîtîkia na magîcambîrîria Njîra ya Mwathani andû onthe makîgucaga. Kwoguo Paûlo nîwamatigire, agîoca arutwa makîthiî nao nyombarî ya kûthomithîria andû ya mûndû wetagwa Tairano. Na wa mûthenya wa mûthenya Paûlo nîwaranagîria na andû kuo

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.