Ciîko 19:34 - ÎVUKU RÎA ÛVORO MWARO

³⁴ Nwatî vîndî îrîa o maamenyire atî Alekisanda aarî Mûyahudi, onthe marî vamwe nîmaaugîrîrie ûndû ûmwe kwa îvinda rîa mathaa maîrî makiugaga atîrî: “Aritemi ngai ya mûndûmûka ya andû a Efeso nî nene!”

Ciîko 19:34 ပူးပေါင်းရင်းမြစ်များ

1Atha 18:26

Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

Mathaayo 6:7

“Vîndî îrîa mûkûvoya, tigagani gûtûmîra ciugo nyîngî itarî na vata ta ûrîa andû arîa matetîkîtie mekaga. O meciragia atî ngai ciao nîikûmegua nîûndû mavoya mao nî maraca.

Ciîko 16:20

Nao nîmaamaretire kûrî acirithania na makiuga atîrî, “Andû aya nî Ayahudi, na nîmaratûma kûgîe na mathîna gûkû îtûûrarî rîîrî rîetû.

Ciîko 19:24

Mûndû ûmwe warî mûturi wa indo cia sîlûva, wetagwa Demetirio nîwandîkîte andû eengî nîguo maturage mîvuanano ya sîlûva yonekanaga îkariî ta ngai ya mûndûmûka îrîa yetagwa Aritemi. Nao aturi acio nîmaagîcaga na umithio mûnene mûno kuumana na wîra ûcio.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Ciîko 19:28

Na rîrîa andû acio meegwire ûguo, nîmaarakarire mûno na makîambîrîria kugîrîria atîrî, “Aritemi, ya andû a Efeso nî nene!”

Ciîko 19:33

Nao Ayahudi amwe nîmaarûngamirie Alekisanda mbere ya andû na makîmwîra ûrîa agwîka. Nake Alekisanda nîwambararirie njara na kûrî andû akîmaveneria makire nîguo eyarîrîrie.

Ciîko 19:35

Na mûthiiarî karani wa îtûûra rîu nîwavotire gûkiria andû. Nake nîwaugire atîrî, “Mue andû aya a Efeso! Nîkûrî mûndû wana ûmwe ûtethagîrwa aicî atî îtûûra rîa Efeso nîkuo kwîthagîrwa kwigîtwe hekarû ya Aritemi, ngai ya mûndûmûka îrîa nene na gûkaigwa îthiga rîa ngai îo rîrîa rîtheru na rîagwîre kuuma îgûrû?

Aroma 2:22

Wîraga andû arîa engî, “Mûtikaatharie,” nwatî we mwene nîûtharagia? We nîûmenete mîvuanano, nwatî nîwîaga indo cia hekarû.

Kûguû 13:4

Nao andû onthe nîmaagoocire njûnamatu îo nîûndû nîyavete nyamû îo wathani. O nîmaagoocire nyamû îo wa nayo makiugaga atîrî, “Nû wîkariî ta nyamû, na nû ûngîvota kûrûa nayo?”