Ciîko 18:9 - ÎVUKU RÎA ÛVORO MWARO

⁹ Na ûtukû ûmwe Mwathani nîwarîrie Paûlo na njîra ya kîoneki, akîmwîra atîrî, “Tiga kûgîa na guoya. Thiî na mbere kwarîria andû na ndûgakire.

Ciîko 18:9 ပူးပေါင်းရင်းမြစ်များ

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Maca 3:57

Nîwanjokerie na ûkîmbîra ndigetigîre.

Jona 3:2

“Ûkîra ûthiî Nineve, îtûûra rîu rînene, ûkanîrîre ndûmîrîri îo ngûvete kûrî andû a kuo.”

Mika 3:8

Nwatî nie, Ngai-Mûnene nîamvete vinya, na Roho wake nîamvotithîtie kûmenya ûma, na nîamvete kîvooto na ûvoti wa kwîra andû a Isiraeli na a Juda mevia mao.

Ciîko 16:9

Na ûtukû ûcio, Paûlo nîwagîre na kîoneki na akîona mûndû wa kuuma Makedonia. Nake mûndû ûcio nîwarûngamire na akîmûthaitha akîmwîraga atîrî, “Ûka Makedonia ûgatûtethie!”

Ciîko 18:10

Nie nîrî vamwe nawe, na gûtirî mûndû wana ûmwe ûgûkûtharîkîra agwîke naaî, nîûndû andû eengî îtûûrarî rîîrî nî akwa.”

Ciîko 22:18

na ngîona Mwathani. Nake nîwambîrire atîrî, ‘We îîvîke ume Jerusalemu narua, nîûndû andû arîa marî gûkû tîmetîkîra we ûmarutîre ûira ûrîa ûmbîgiî.’

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 9:10

Nakuo kûu Damesiki kwarî na mwîtîkia ûmwe wetagwa Anania. Nake Mwathani nîwamumîrîre na njîra ya kîoneki na akîmwîra atîrî, “Anania!” Nake nîwamûcokerie atîrî, “Nie nîrî ava, Mwathani.”

1Akor 9:1

Na kinthî nie ndirî na wîyathi? Na kinthî nie ndirî mûtûmwa? Na kinthî nie ndionire Jesû Mwathani wetû? Na kinthî mue mûtirî maciaro ma wîra ûrîa Mwathani arutîte na njîra yakwa?

1Ath 2:2

Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.