Ciîko 18:8 - ÎVUKU RÎA ÛVORO MWARO

⁸ Kirisipo ûrîa warî mûnene wa îvoero rîu, na andû onthe a mûciî wake nîmeetîkirie Mwathani. Wana andû engî eengî arîa maarî kûu Korinitho nîmaathikîrîrie Paûlo, magîtîkia na makîvatithua.

Ciîko 18:8 ပူးပေါင်းရင်းမြစ်များ

Kîam 17:27

wa vamwe na arûme onthe a gwake mûciî, na arîa maaciarîrîtwe gwake mûciî marî ngombo wana arîa maagûrîtwe.

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Maariko 5:22

Nake mûnene ûmwe wa îvoero wetagwa Jairi, nîwakinyire. Na rîrîa oonire Jesû nîwamûturîrie maru na akîmûthaitha akîmwîraga atîrî,

Maariko 5:35

Kavinda karîa Jesû aaragia, andû arîa maatûmîtwe kuuma mûciî kwa Jairi nîmaakinyire na makîmwîra atîrî, “Tiga gûtinda ûkîthînia Mwarimû, nîûndû mwarîguo nîwakua.”

Ciîko 10:2

Ke aarî mûndû mwîtîkia Ngai mûno, na vamwe na andû onthe a mûciî wake nîmaagoocaga Ngai. Nake nîwavothagîra Ayahudi arîa maarî athîni arî na ûtaana na akavoyaga Ngai mavinda meengî.

Ciîko 11:14

Ke nîagûkûva ndûmîrîri îrîa îgûtûma we na andû onthe a mûciî waku mûvonoke.’

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 16:34

Na vuva wa ûguo mûrangîri ûcio wa njeera nîwavirire Paûlo na Sailasi gwake mûciî, na akîmava irio. Nake mûrangîri wa njeera vamwe na andû ake nîmecûrirwe nî gîkeno nîûndû o nîmeetîkîtie Ngai.

Ciîko 18:1

Na vuva wa ûguo, Paûlo nîwaumire Athene na akîthiî Korinitho.

Ciîko 18:17

Nao onthe nîmaanyitire Sosithene ûrîa warî mûnene wa îvoero, na makîmûriva Kîamma gîkîonaga. Nwatî Galio ndaatindanîra na ûndû ûcio.

Ciîko 19:1

Na vîndî îrîa Apolo aarî Korinitho, Paûlo nîwavîtûkîrîre mwena wa rûgûrû na agîkinya Efeso. Nake nîwethîre arutwa amwe kuo

Ciîko 8:12

Nwatî rîrîa Filipu aamavunjîrie Ûvoro Mwaro wîgiî Ûthamaki wa Ngai na wîgiî Jesû Kristû, arûme wana aka nîmeetîkirie ndûmîrîri îo na makîvatithua.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

2Akor 1:1

Nie Paûlo, mûtûmwa wa Kristû Jesû nîûndû wa wendi wa Ngai na kuuma kûrî mûrwaiya Timotheo. Tûramwandîkîra mue kanitha wa Ngai ûrîa ûrî Korinitho, na kûrî andû onthe a Ngai arîa marî Akaia kuonthe:

2Akor 1:23

Nie nîreta Ngai mûira wakwa: nîaicî ngoro yakwa! Nînaaregire kûthiî Korinitho rîngî nîguo ndigatûme mûgîe na mathîna meengî.

2Akor 6:11

Arata etû arîa mûrî Korinitho, tûmwarîrîtie tûtakûmûthitha wanarî ûndû na tûvingûrîte ngoro cietû.

2Tim 4:20

Erasito nîwatigirwe Korinitho na ngîtiga Tirofimo Mileto arî mûrûaru.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”