Ciîko 18:6 - ÎVUKU RÎA ÛVORO MWARO

⁶ Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 18:6 ပူးပေါင်းရင်းမြစ်များ

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

1Atha 2:33

Kwoguo Joabu na njiarwa ciake nîmatûûra marî na kîrumi tene na tene nîûndû wa gîkuû Kîam andû acio. Nwatî Ngai-Mûnene nîatûûra avecaga Daudi, andû a mûciî wake, njiarwa ciake na ûthamaki wake thayû na ûvootani.”

Nehemia 5:13

Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 33:4

Mûndû angîgua karumbeta ka mbaara na arege kwîmenyerera na mbaara yumîre na mûndû ûcio aûragwe, nîke ûgaacokererwa nî gîkuû gîake ke mwene.

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Alawi 20:9

Ngai-Mûnene nîwaugire atî, mûndû wa wonthe ûkaaruma îthe kana ng'ina nîakaaûragwa. Gîkuû Kîam mûndû ûcio gîkaaumana na gîîko gîake ke mwene.

Mathaayo 10:14

Na ethîrwa gûtirî mûndû wana ûmwe ûkûmûgwata ûgeni kana amûthikîrîrie, mûkiuma mûciî ûcio kana îtûûrarî rîu, rivarivani rûkûngû kuuma magûrûrî menyu.

Mathaayo 21:41

Nao nîmaamûcokerie atîrî, “Nî ma ke nîakaaûraga arîmi acio acûku, na acoke akomborithie arîmi engî mûgûnda ûcio arîa makaamûvecaga îgai rîake vîndî ya maketha.”

Mathaayo 21:43

Kwoguo nîramwîra atî Ûthamaki wa Ngai nîûkaarutwa kûrî mue na ûvewe andû engî arîa mekaga maûndû marîa Ngai endaga ûthamakirî wake. [

Mathaayo 22:10

Nacio ndungata icio nîciathiîre nakûu njîrarî na ikîûngania andû arîa onthe ciethagîrîria; andû ega na acûku nîguo maûke îrugarî. Nayo nyomba ya îruga nîyecûrire andû.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Mathaayo 8:11

Nîramwîra na ma atî andû eengî nîmagaaûka maumîte mwena wa îrathîro na wa îthûîro, nîmagekara nthî na marîcanîre na Iburahimu, Isaka na Jakovu, ûthamakirî wa îgûrû.

Luka 22:65

Nao nîmaacokire makîmwîra maûndû meengî ma kûmûruma.

Luka 9:5

Na kûndû kuonthe kûrîa andû akuo matakaamûgwata ûgeni, mbere ya mume îtûûrarî rîu, îîrivarivageni rûkûngû magûrûrî menyu. Nakîo gîîko gîkî gîtuîkage ûira kûrî andû acio, atî ûndû ûcio ndûnamûkenia.”

Ciîko 13:51

Kwoguo Paûlo na Baranaba nîmeerivaririvire rûkûngû kuuma magûrûrî mao rûrî ta rûûri rwa kûrega andû a îtûûra rîu na makîthiî Ikonia.

Ciîko 26:11

Na kwa mavinda meengî nînatûmire maverithue marî mavoerorî na nînaageririe gûtûma marega wîtîkio wao. Na nîûndû wao nînaarakarire mûno nginya ngîthiî kûmarûmîrîria matûûrarî mageni nîguo nîmanyarire.

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 28:28

“Kwoguo nînîrenda mûmenye atî Ngai nîatûmîte ûvoro wake wa ûvonokio kûrî andû a ndûrîrî, na o nîmakûthikîrîria!”

Aroma 3:29

Kana Ngai nî Ngai wa Ayahudi tu? Kinthî tî Ngai wa andû a Ndûrîrî wa nao? Nîma Ke nî Ngai wa andû a Ndûrîrî wa nao.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

1Pet 4:4

Andû arîa matetîkîtie Ngai nîmamakîte nîûndû mûtiranyitanîra nao mûtûûrîrerî ûcio wa waganu na wa wanangi. Kwoguo nîmaramûcambia.