Ciîko 18:4 - ÎVUKU RÎA ÛVORO MWARO

⁴ Na wa mûthenya wa thavatû arî îvoerorî, Paûlo nîwaranagîria na Ayahudi na Angiriki akîgeria kûmeguithia matuîke etîkia.

Ciîko 18:4 ပူးပေါင်းရင်းမြစ်များ

Kîam 9:27

Ngai arotûma njiarwa cia Jafethi ciîngîve! Njiarwa ciake irotûûranîra na ciana cia Shemu! Kanaani arotuîka ngombo ya Jafethi.”

2Maû 32:11

Anga tîkwa Hezekia aramûveenia nîguo atûme mûkue nî yûra na nyonda akîmwîra atî, ‘Ngai-Mûnene, Ngai wetû agaatûvonokia kuuma kûrî mûthamaki wa Asîria?’

Luka 16:31

Nwatî Iburahimu nîwacokerie gîtonga kîu atîrî, ‘Angîthîrwa matingîthikîrîria Musa na Arathi, wana mûndû akariûka matingîmûthikîrîria.’ ”

Luka 4:16

Jesû nîwathiîre îtûûrarî rîa Nazarethi kûrîa aarereretwe. Naguo mûthenya wa thavatû wakinya, wa ta mûtugo, Jesû nîwathiîre na agîtonya îvoerorî. Na rîrîa aarûngamire nîguo athome,

Johana 7:35

Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?

Ciîko 13:14

Nao nîmaavîtûkire Periga na makîthiî magîkinya Antiokia vûrûrirî wa Pisidia. Na mûthenya wa thavatû nîmaathiîre îvoerorî na magîkara nthî kuo.

Ciîko 14:1

Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Ciîko 17:17

Kwoguo arî îvoerorî nîwaranîrie na Ayahudi na andû a ndûrîrî arîa meetîkîtie Ngai mûno. Na wa mûthenya wa mûthenya ke nîwaranagîria na andû arîa methagîrwa marî kûu thokorî.

Ciîko 18:13

na makiuga atîrî, “Mûndû ûyû nîarageria kwîgwithia andû magooce Ngai na njîra îreganîte na watho wetû!”

Ciîko 18:19

Na rîrîa maakinyire Efeso, Paûlo nîwatigire Pirisila na Akuila na akîthiî agîtonya îvoerorî na akîaranîria na Ayahudi.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Ciîko 19:8

Na kwa îvinda rîa mîeri îthatû, Paûlo nîwathiîcaga îvoerorî na akavecanaga ûvoro arî na ûmîrîru. Nîwaranagîria na Ayahudi na akageragia kûmeguithia nîguo metîkîre maûndû marîa ke aaragia megiî Ûthamaki wa Ngai.

Ciîko 26:28

Nake Angiripa nîwerire Paûlo atîrî, “We ûreciria nîûkûndua Mûkristiano na kavinda gakuvî ûguo?”

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.