Ciîko 18:18 - ÎVUKU RÎA ÛVORO MWARO

¹⁸ Na kwa îvinda rîa mîthenya îngî mîîngî, Paûlo nîwekaranirie na etîkia kûu Korinitho. Nîwacokire akîmatiga na agîtwa meri akîthiî Sîria marî na Pirisila na Akuila. Mbere ya kuuma Kenikerea marî merirî, Paûlo nîwenjirwe njuîrî nîûndû aarî na mwîvîtwa mbere ya Ngai.

Ciîko 18:18 ပူးပေါင်းရင်းမြစ်များ

Ndari 6:18

Mûnazari nîakaathiî mûromorî wa îgema rîa Ngai-Mûnene, enje njuîrî ciake, na acikie mwakirî ûrîa ûravîvia matega ma thayû.

Ndari 6:2

ere andû a Isiraeli atî, mûndûmûrûme kana mûndûmûka wa wonthe wîyamûrîrîte Ngai-Mûnene na akagîa na mwîvîtwa wa mwanya, agaatuîkaga Mûnazari na

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Maariko 6:46

Nake Jesû aarîkia kûrekereria kîrîndî, nîwathiîre kîrîmarî kûvoya Ngai.

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

Ciîko 15:23

na makîmatûma, na maarûa îrîa yandîkîtwe atîrî: “Tue atûmwa na athuuri, ariû na aarî a îthe wetû nîtwamûkethia mue ariû na aarî a îthe wetû andû a ndûrîrî arîa mûrî Antiokia, Sîria na Cilicia.

Ciîko 15:41

Nake Paûlo nîwavîtûkîrîre Sîria na Cilicia agîkagîra makanitha vinya.

Ciîko 18:2

Kûu nîkuo aatûnganire na Mûyahudi wetagwa Akuila waciarîrîtwe Pontasi. Nwatî Akuila marî na Pirisila, ûrîa warî mûndûmûka wake, methîrîtwe maauma Italia, nîûndû Mûthamaki Kilaudio nîwathanîte akauga Ayahudi onthe nwa nginya maume kûu Roma. Nake Paûlo nîwathiîre gûcerera Akuila na Pirisila,

Ciîko 18:26

Ke nîwambîrîre kwaria îvoerorî arî na ûmîrîru. Nwatî vîndî îrîa Pirisila na Akuila maamwîgwire, nîmaamûvirire kwao mûciî na makîmûtaarîria na njîra îno mbaro makîria, ûvoro wîgiî Njîra ya Ngai.

Ciîko 18:27

Na vîndî îo Apolo nîwatwire atî ke nîakûthiî Akaia. Kwoguo etîkia arîa maarî kûu Efeso nîmaamûmîrîrie na makîandîka maarûa kûrî etîkia arîa maarî Akaia makîmathaitha mamûnyite ûgeni. Na rîrîa Apolo aakinyire kuo, nîwatethirie arîa maatuîkîte etîkia mûno nîûndû wa wega wa Ngai.

Ciîko 21:23

Kwoguo nîtûgûkwîra ûrîa we ûgwîka. Gûkû kûrî na arûme ana mevîtîte.

Ciîko 21:24

Thiîcania nao, ûnyitanîre nao îgongoonarî rîao rîa kwîtheria na ûrîve matûmîri mao monthe nîguo menjwe ciongo. Na njîra îno andû onthe makaamenya atî maûndû marîa maregua makwîgiî tî ma ma. Nwatî we mwene nîûtûûraga kûringana na Watho wa Musa.

Ciîko 21:3

Natue nîtwakinyire vakuvî mûno na gîcîgîrîra gîa Kuporo. Nîtwavîtûkire tûgîkîonaga kîrî mwena wa rûgûrû na tûkîthiî tûgîkinya Sîria. Natue nîtwatiramire îtûûrarî rîa Turo kûrîa meri yathiîte kûrutwa mîrigo.

Aroma 16:1

Nie nînagathîrîria mwarî wa îthe wetû Foebe ûrîa ûrutaga wîra wa ûtungati kanitharî wa Kenikerea.

1Akor 9:20

Rîrîa nîrarutithania wîra na Ayahudi ndûûraga ta Ayahudi nîguo nîmagucîrîrie. Nie mwene ndirî rungu rwa Watho wa Musa, nwatî rîrîa nîrarutithania wîra na arîa marî rungu rwa Watho ûcio, ndûûraga takwa nîrî rungu rwaguo nîguo nîmagucîrîrie.

Agal 1:21

Vuva wa ûguo Nînaathiîre icunjîrî cia Sîria na Cilicia.