Ciîko 18:10 - ÎVUKU RÎA ÛVORO MWARO

¹⁰ Nie nîrî vamwe nawe, na gûtirî mûndû wana ûmwe ûgûkûtharîkîra agwîke naaî, nîûndû andû eengî îtûûrarî rîîrî nî akwa.”

Ciîko 18:10 ပူးပေါင်းရင်းမြစ်များ

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Mathaayo 10:30

Wana nginya njuîrî cionthe cia ciongo cienyu nî ndare.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Luka 21:18

Nwatî gûtirî rûcuîrî wana rûmwe rwa ciongo cienyu rûkaaûra.

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Ciîko 15:14

Simioni nîwatwîra ûrîa Ngai mbere onanirie ûmenyereri wake kûrî andû a ndûrîrî. Ke eekire ûguo na njîra ya gwîta andû amwe kuuma gatagatîrî kao nîguo matuîke ake.

Ciîko 15:18

Ûguo nîguo Mwathani augîte. Ke nîke watûmire maûndû mau mamenyeke kuuma tene.’

Ciîko 18:11

Kwoguo Paûlo nîwekarire kûu kwa îvinda rîa mwaka ûmwe na nuthu, akîthomithagia andû kiugo Kîam Ngai.

Ciîko 18:9

Na ûtukû ûmwe Mwathani nîwarîrie Paûlo na njîra ya kîoneki, akîmwîra atîrî, “Tiga kûgîa na guoya. Thiî na mbere kwarîria andû na ndûgakire.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

2Akor 12:9

Nwatî ke nîwanjokerie atîrî, “Wega wakwa nî ûkwîganîte. Nîûndû vinya wakwa nîwonekanaga kûrîa gûtarî vinya.” Kwoguo nîngenaga mûno ngîtîîa nîûndû wa ûvûthû wakwa, nîguo vinya wa Kristû ûvotage gûtûûra ndaarî yakwa.

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

2Tim 4:22

Nî mwakethua nî Eubulu, Pundeni, Linaisi Kilaudia na ariû na aarî a îthe wetû. Mwathani nîekare nawe. Wega wa Ngai ûrekara namue.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Atir 2:18

Vîndî îrîa Ngai-Mûnene ava Aisiraeli mûtongoria, Ngai-Mûnene nîwatethagia mûtongoria ûcio na nîwavonokagia Aisiraeli kuuma kûrî nthû ciao vîndî cionthe rîrîa mûtongoria ûcio ethagîrwa arî mwoyo. Ngai-Mûnene nîwegucagîra Aisiraeli ntha, nîûndû wa mathîna ma andû arîa maamavinyagîrîria.