Ciîko 17:22 - ÎVUKU RÎA ÛVORO MWARO

²² Kwoguo Paûlo nîwarûngamire mbere ya Kîamma kîrîa gîacemanîtie kîrîmarî Kîam Areopago na akiuga atîrî, “Mue andû a Athene, nie nînîrona atî mue mûrî arûmîrîri a ndini mûno maûndûrî monthe.

Ciîko 17:22 ပူးပေါင်းရင်းမြစ်များ

Jeremia 50:38

Vûrûri wa Babuloni nîûture mbura, na nyûnjî cia kuo ivwe. Babuloni nî vûrûri wa ngai cia mîvuanano, na itûmîte andû akuo mauma ngoma.

Ciîko 17:15

Na andû arîa maaumagaririe Paûlo nîmaamûkinyirie Athene. Mbere ya andû acio macoke Berea nîmaathirwe nî Paûlo makeere Sailasi na Timotheo mathiî kûrî ke narua wata ûrîa mangîvota.

Ciîko 17:16

Na rîrîa Paûlo eetererete Sailasi na Timotheo kûu Athene, nîwarakarire mûno nîûndû wa kwona ûrîa îtûûra rîu rîecûrîte mîvuanano.

Ciîko 17:19

Kwoguo nîmoocire Paûlo, makîmûvira Kîammarî Kîam Areopago makîmwîra atîrî, “Wenda tu tûtaarîrie ûvoro wîgiî kîthomo kîu gîcerû we ûrathomithania.

Ciîko 17:34

Nwatî andû amwe nîmaatuîkire etîkia na makîmûnyita mbaru. Gatagatîrî kao kwarî Dionisio ûrîa warî ûmwe wa athuuri a Kîamma Kîam Areopago na mûka wetagwa Damari wa vamwe na andû engî.

Ciîko 19:35

Na mûthiiarî karani wa îtûûra rîu nîwavotire gûkiria andû. Nake nîwaugire atîrî, “Mue andû aya a Efeso! Nîkûrî mûndû wana ûmwe ûtethagîrwa aicî atî îtûûra rîa Efeso nîkuo kwîthagîrwa kwigîtwe hekarû ya Aritemi, ngai ya mûndûmûka îrîa nene na gûkaigwa îthiga rîa ngai îo rîrîa rîtheru na rîagwîre kuuma îgûrû?

Ciîko 25:19

Nwatî nîkwarî na maûndû mamwe maatûmaga makararanie nake. Nîmaakararanagia nake îgûrû rîa ûvoro wîgiî ndini yao na wîgiî mûndû ûmwe wîtagwa Jesû ûrîa wakuîte. Nwatî Paûlo nîwaugaga aûmîrîrîtie atî mûndû ûcio arî mwoyo.