Ciîko 17:17 - ÎVUKU RÎA ÛVORO MWARO

¹⁷ Kwoguo arî îvoerorî nîwaranîrie na Ayahudi na andû a ndûrîrî arîa meetîkîtie Ngai mûno. Na wa mûthenya wa mûthenya ke nîwaranagîria na andû arîa methagîrwa marî kûu thokorî.

Ciîko 17:17 ပူးပေါင်းရင်းမြစ်များ

Nthi 8:34

Gûkena nî mûndû wa wonthe ûrîa ûnthikagîrîria, ûrîa wîkaraga kîvingorî gîakwa mûthenya wa mûthenya, ûrîa wetagîrîra mûromorî wa nyomba yakwa.

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 12:3

Kwoguo, ûndû wa wonthe mwanarîria ndumarî andû nîmakaawîgua ûtherirî, na ûndû wa wonthe mwanavevanîrîra mwîthithîte nyomba ndarî, nî ûkaanîrîrwa nî mûndû arûngamîte nyomba îgûrû.

Ciîko 10:2

Ke aarî mûndû mwîtîkia Ngai mûno, na vamwe na andû onthe a mûciî wake nîmaagoocaga Ngai. Nake nîwavothagîra Ayahudi arîa maarî athîni arî na ûtaana na akavoyaga Ngai mavinda meengî.

Ciîko 13:16

Nake Paûlo nîwarûngamire, akîmaveneria na njara yake na akiuga atîrî: “Andû a Isiraeli wa namue muonthe andû a ndûrîrî arîa mûgoocaga Ngai na mûrî ava: mwenda tu tathikîrîriani!

Ciîko 13:43

Na rîrîa mûcemanio ûrîa warî îvoerorî warîkire, Ayahudi eengî na andû a ndûrîrî eengî agooci Ngai arîa maagarûrîtwe magatonya ndinirî ya Ayahudi nîmaarûmîrîre Paûlo na Baranaba. Nao Paûlo na Baranaba nîmamaarîrie na makîmaûmîrîria matûûre mevokete wega wa Ngai.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 8:2

Nao etîkia amwe meetîkîtie Ngai mûno nîmaathikire Stefano makîmûrîragîra mûno.

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.