Ciîko 17:12 - ÎVUKU RÎA ÛVORO MWARO

¹² Eengî ao nîmeetîkirie. Aka maarî îgweta na athuuri eengî Angiriki, nîmeetîkirie.

Ciîko 17:12 ပူးပေါင်းရင်းမြစ်များ

Maariko 15:43

Josefu wa kuuma Arimathea nîwaûkire. Nake aarî mûthuuri mûtîîe wa Kîamma na watûûraga etererete gûka kwa Ûthamaki wa Ngai. Nake nîwathiîre kûrî Pilato na akîmûria amûve mwîrî wa Jesû.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 14:1

Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

1Akor 1:26

Ariû na aarî a îthe wetû, taririkanani ûrîa mwekariî rîrîa Ngai aamwîtire. Kûringana na woni wa andû, tî eengî gatagatîrî kenyu maarî aûgî kana maarî na vinya wana kana maaciarîrwe mîciîrî ya vata.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Jakuvu 1:10

Nao Akristiano arîa atongu nîmagîrîrwe nî gûkenaga rîrîa Ngai amanyivia, nîûndû itonga nîikaathira wata ûrîa maûa ma kîthaka mathiraga.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.