Ciîko 16:5 - ÎVUKU RÎA ÛVORO MWARO

⁵ Kwoguo makanitha nîmeekîrirwe vinya wîtîkiorî na nîmongererekaga wa mûthenya wa mûthenya.

Ciîko 16:5 ပူးပေါင်းရင်းမြစ်များ

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Ciîko 11:21

Nao etîkia acio maarî na vinya wa Mwathani na andû gîkundi kînene magîtîkia na makîrûmîrîra Mwathani.

Ciîko 12:24

Nayo ndûmîrîri ya Ngai nîyathiîre na mbere na gûtamba na îgîkinyîra andû eengî.

Ciîko 15:41

Nake Paûlo nîwavîtûkîrîre Sîria na Cilicia agîkagîra makanitha vinya.

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 4:4

Nwatî andû eengî gatagatîrî ka arîa meegwire ndûmîrîri îo yavunjagua nî Petero na Johana nîmeetîkirie. Nao arûme arîa meetîkirie nîmongererekire magîkinya kîndû ta ngiri ithano.

Ciîko 5:14

Arûme na aka eengî nîmeetîkirie Mwathani na makîongereka gîkundirî Kîam etîkia.

Ciîko 6:7

Kwoguo ndûmîrîri ya Ngai nîyathiîre na mbere gûtamba. Nao arutwa nîmoongererekire mûno kûu Jerusalemu, na athînjîri-Ngai eengî magîtuîka etîkia.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Akol 2:6

Nîûndû nîmwamûkîre Jesû Kristû, tûûrani mûrî kîndû kîmwe nake mûrî na ûrûmwe na Jesû Kristû, nîûndû mwîetîkîru atî ke nîke Mwathani wenyu.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.