Ciîko 16:1 - ÎVUKU RÎA ÛVORO MWARO

¹ Nake Paûlo nîwathiîre Deribe na agîcoka akîthiî Listra, kûrîa Mûkristiano ûmwe wetagwa Timotheo aatûûraga. Ng'ina, ûrîa wa nake warî Mûkristiano, aarî Mûyahudi, nwatî îthe aarî Mûngiriki.

Ciîko 16:1 ပူးပေါင်းရင်းမြစ်များ

Ezira 9:2

Nîûndû Aisiraeli nîmaavikagia erîtu ao na avîcî ao mageka wa guo. Kwoguo andû a Ngai nîmeetukanîtie na andû a vûrûri na magatuîka acûku. Atongoria na anene nîo methîrîtwe magîka maûndû mau mûno.

Ciîko 14:1

Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 14:21

Paûlo na Baranaba nîmaavunjirie Ûvoro Mwaro îtûûrarî rîa Deribe na makîgîa na arutwa eengî mûno. Nao Paûlo na Baranaba nîmaacokire Listra, Ikonia na Antiokia ya Pisidia.

Ciîko 14:6

Na rîrîa Paûlo na Baranaba maamenyire ûvoro ûcio, nîmaaûrire makîthiî Listra na Deribe, matûûra marîa maarî vûrûrirî wa Likaonia, na makîthiî mavûrûrirî marîa maarî gûkuvî nakuo.

Ciîko 17:14

Na wa rîo, etîkia nîmaatûmire Paûlo athiî rûtererî rwa îria, nwatî Sailasi na Timotheo nîmeekarire kûu Berea.

Ciîko 18:5

Na rîrîa Sailasi na Timotheo maakinyire maumîte Makedonia, Paûlo nîwambîrîrie gûtûmîra mavinda monthe make na wîra wa kûvunjia na akarutaga ûira kûrî Ayahudi akiugaga atî Jesû nîke Mesaya.

Ciîko 19:22

Paûlo nîwatûmire Timotheo na Erasito, atethia ake aîrî, akîmeera mathiî Makedonia, nwatî ke mwene nîwekarire kûu Asia kwa îvinda.

Aroma 16:21

Nîmwakethua nî Timotheo, ûrîa tûrutaga wîra vamwe nake, wana Lukio, na Jasoni, na Sosipateri arîa tûrî a rûrîra rûmwe nîmamûkethia.

1Akor 16:10

Timotheo aûka kûrî mue, geriani kwona atî nîwekarania namue atarî na guoya nîûndû araruta wîra wa Mwathani wata ûrîa ndutaga.

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

1Akor 7:14

Nîûndû mûthuuri ûrîa ûtetîkîtie nîwîtîkagîrwa nî Ngai nîûndû wa kûnyitana na mûka. Nake mûndûmûka ûrîa ûtetîkîtie nîwîtîkagîrwa nî Ngai nîûndû wa kûnyitana na mûthuuriwe. Angîthîrwa ûguo tîguo kûrî, ciana cienyu itingîrî ntheru, nwatî ûrîa kûrî nî atî ciana icio nîciîtîkagîrwa nî Ngai.

2Akor 1:1

Nie Paûlo, mûtûmwa wa Kristû Jesû nîûndû wa wendi wa Ngai na kuuma kûrî mûrwaiya Timotheo. Tûramwandîkîra mue kanitha wa Ngai ûrîa ûrî Korinitho, na kûrî andû onthe a Ngai arîa marî Akaia kuonthe:

2Akor 1:19

Nîûndû Jesû Kristû Mûriû wa Ngai, ûrîa twamûvunjîrie tûrî nie, Sailasi, na Timotheo, ndarî “Ii” na “naarî”. Kûrî Kristû kwîthagîrwa vîndî cionthe kûrî “Ii”,

Afil 1:1

Kuuma kûrî Paûlo na Timotheo, ndungata cia Jesû Kristû. Kûrî andû a Ngai onthe a Filipi arîa methagîrwa marî kîndû kîmwe na Jesû Kristû, wa vamwe na atongoria a kanitha na arîa mamatethagîrîria.

Afil 2:19

Ethîrwa nî kwenda kwa Mwathani, nîrerîgîrîra atî nîngûvota gûtûma Timotheo kûrî mue kavinda gatarî karaca, nîguo anyûmagîrîrie na ndûmîrîri kuuma kûrî mue.

Akol 1:1

Nie Paûlo mûtûmwa wa Jesû Kristû nîûndû wa wendi wa Ngai, tûrî na mûrû wa îthe wetû Timotheo nîtwamûkethia.

1Ath 1:1

Nie Paûlo, Sailasi, na Timotheo, nîtwamwandîkîra mue kanitha wa Thesalonike. Andû aya nî a Ngai Îthe wetû na Mwathani Jesû Kristû. Mûrogîa na wega na thayû.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

1Ath 3:6

Nwatî rîu Timotheo nîacokete aumîte kûrî mue na nîaratûveere ndeto mbaro ciîgiî wîtîkio na wendo wenyu. Nîatwîrîte atî vingo cionthe nîmûtûririkanaga na njîra mbaro na atî nîmwendaga mûno gûtwona wata ûrîa wa natue twendaga mûno kûmwona.

2Ath 1:1

Kuuma kûrî tue Paûlo, Sailasi na Timotheo. Kûrî andû a kanitha ûrîa ûrî Thesalonike. Andû aya nî a Ngai îthe wetû na Mwathani wetû Jesû Kristû.

1Tim 1:18

Timotheo mwana wakwa, nîrakwatha wîkage maûndû mama nîûndû nîmaringanîte na maûndû marîa maarathirwe makwîgiî. Tûmîra ciugo icio irî ta indo cia mbaara nîguo ûvote kûrûa waro.

1Tim 1:2

nîrandîka maarûa îno kûrî we Timotheo mwana wakwa wa ma wîtîkiorî: ûrogîa na wega, ntha na thayû kuuma kûrî Ngai îthe na kûrî Mwathani wetû Jesû Kristû.

2Tim 1:2

Kûrî Timotheo mwana wakwa mendete. Wega, ntha na thayû kuuma kûrî Ngai îthe wetû, na Mwathani wetû Jesû Kristû irogîa nawe.

2Tim 1:5

Nîndirikanaga wîtîkio waku ûrîa ûtarî ûvinga. Wîtîkio wata ûyû nîguo warî na ûcûguo Loisi na nyûkwe Eunîci. Nîrî nama atî wîna wîtîkio wata ûcio wao.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.

File 1:1

Kuuma kûrî nie Paûlo, mûndû wovetwe njeera nîûndû wa Jesû Kristû, tûrî na Timotheo, mûriû wa Îthe wetû. Kûrî we Filemona, mûrata wetû ûrîa tûrutithanagia wîra nake,

Ahib 13:23

Nîngwenda mûmenye atî Mûrû wa îthe wetû Timotheo nî araumire njeera. Ethîrwa nîagûka narua, nîtûgaaûka nake ngîûka kûrî mue.