Ciîko 15:7 - ÎVUKU RÎA ÛVORO MWARO

⁷ Na Vuva wa kwarîrîria ûndû ûcio kwa îvinda îraca, Petero nîwamerire atîrî, “Ariû na aarî a îthe wetû, mue nîmwîcî atî vingo ya tene Ngai nîwanthuurire kuuma gatagatîrî kenyu, nîguo mvunjie Ûvoro Mwaro kûrî andû a ndûrîrî. Nao nîmegwire Ûvoro Mwaro kuuma kûrî nie na magîtîkia.

Ciîko 15:7 ပူးပေါင်းရင်းမြစ်များ

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 3:27

Nake Johana nîwamacokerie atîrî, “Gûtirî mûndû ûngîgîa na kîndû Ngai atamûvete kîo.

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

Ciîko 10:19

Rîrîa Petero eeciragia ûvoro wîgiî kîoneki kîu, Roho nîwamwîrire atîrî, “Ta thikîrîria! Kûrî na andû athatû maûka gûgûcaria.

Ciîko 10:20

Ûkîra, ume nyomba îgûrû na ûthiîcanie nao ûtarî na nganja nîûndû nînie namatûma.”

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Ciîko 15:14

Simioni nîwatwîra ûrîa Ngai mbere onanirie ûmenyereri wake kûrî andû a ndûrîrî. Ke eekire ûguo na njîra ya gwîta andû amwe kuuma gatagatîrî kao nîguo matuîke ake.

Ciîko 15:2

Nao Paûlo na Baranaba nîmaakararanirie mûno na andû acio, na îgûrû rîgiî ûvoro ûcio. Kwoguo nîgwatuîkire atî Paûlo na Baranaba na etîkia amwe a Antiokia, nwa nginya matûmwe Jerusalemu nîguo mathiî maranîrie na atûmwa na athuuri îgûrû rîa ûvoro ûcio.

Ciîko 15:39

Nake Paûlo na Baranaba nîmaakararanirie na vinya mûno magîtigana Baranaba nîwocire Maariko na makîthiî na meri kinya Kuporo.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:16

Nao arutwa amwe a kuuma îtûûrarî rîa Kaisarea nîmaathiîcanirie natue na magîtûvira nyomba kwa Munasoni ûrîa twathiîte gwîkara gwake. Ke aarî wa kuuma gîcîgîrîrarî gîa Kuporo na aarî ûmwe gatagatîrî ka etîkia arîa a mbere.

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.

Ciîko 4:25

Na vinya wa Roho Mûtheru we nîwaririe na njîra ya Daudi Ndungata yaku, îthe wetû wa tene, ciugo rîrîa aaugire atîrî: ‘Andû a Ndûrîrî maarakarîte nîkî? Andû maathondekire mîvango ya mana nîkî?

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

Afil 2:14

Îkagani maûndû monthe mûtagûteta kana gûkararania.