Ciîko 15:18 - ÎVUKU RÎA ÛVORO MWARO

¹⁸ Ûguo nîguo Mwathani augîte. Ke nîke watûmire maûndû mau mamenyeke kuuma tene.’

Ciîko 15:18 ပူးပေါင်းရင်းမြစ်များ

Isaia 44:7

Nû wîkariî tanie, ta nîauge, tiga onanie na arie arî mbere yakwa. Nû wanîrîre tene ûvoro wa maûndû marîa magekîka vuvarî? Tiga atwîre maûndû marîa magekîka.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Amosi 9:12

Nao andû a Isiraeli nîmakegwatîra matigari ma Edomu, na mavûrûri monthe marîa metanîtue rîîtwa rîakwa.” Ûguo nîguo Ngai-Mûnene ûrîa ûgwîka maûndû mau augîte.

Zakaria 14:7

Gûkethagîrwa vîndî cionthe kûrî na ûtheri ta wa mûthenya (vîndî îo nî Ngai-Mûnene wenga wicî). Gûtikethîrwa na ûtukû kana mûthenya, nîûndû wana ûtukû gûkethagîrwa na ûtheri.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Mathaayo 13:35

Eekire ûguo nîguo maûndû mavingue marîa mûrathi aaririe akiuga atîrî: “Nie nîngaatûmîra ngerekano ngîmarîria, nîngaamera maûndû marîa mataanamenyekana kuuma rîrîa nthî yaûmbirwe.”

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Ciîko 17:26

Ngai aambîrîrie na kûmba mûndû ûmwe, na kuuma kûrî mûndû ûcio gûgîûka ndûrîrî cionthe cia andû ngûrani arîa matûûraga kûndû kuonthe gûkû nthî. Ngai nîke watwire wa mbererî nîrî, na nîkû o magîrîrwe nî gûtûûra.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 3:9

Kîveo kîu nwa gîa kûmenyithia andû onthe mûvango wa nthitho, ûrîa ûtwîre ûthithîtwe kuuma tene nî Ngai ûrîa waûmbire indo cionthe.

2Ath 2:13

Ariû na aarîa îthe wetû, nwanginya tûcokagie ngatho kûrî Ngai vîndî cionthe nîûndû wenyu mue arîa mwendetwe nî Mwathani. Nîûndû Ngai nîwamûthuurire mûrî a mbere nîguo amûvonokie na njîra ya kûtherua nî Roho mûtheru na gwîtîkia ûvoro wa ma.

1Pet 1:20

Kristû aathuurirwe nî Ngai mbere ya nthî kûmbwa, nwatî rîu mîthenyarî îno ya kûrigîrîria nîaguûrîtue nîûndû wenyu.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 17:8

Nyamû îo vîndî îmwe yarî mwoyo, nwatî rîu ndîrî mwoyo. Nyamû îo nî îkunûkia yume îrimarî rîrîa rîtarî mûthiia îthiî îgacûkangue. Nîkûrî andû marî mwoyo na marîîtwa mao mataanandîkwa kuuma rîrîa nthî yambîrîrie kûmbwa. Andû acio onthe nîmakaamaka rîrîa makoona nyamû îo, nîûndû vîndî îmwe yarî mwoyo, na rîu ndîrî mwoyo, nwatî nîgaacoka yûke rîngî.