Ciîko 15:11 - ÎVUKU RÎA ÛVORO MWARO

¹¹ Nwatî nîtwîtîkîtie atî tue wana o nîtûkaavonokua na njîra ya wega wa Mwathani Jesû.”

Ciîko 15:11 ပူးပေါင်းရင်းမြစ်များ

Aroma 3:24

Nwatî na njîra ya kîveo kîrîa kiumanaga na wega wa Ngai, andû onthe nîmatuîtwe athingu na njîra ya Jesû Kristû ûrîa ûmakûûrîte kuuma meviarî.

Aroma 5:15

Nwatî Adamu na mûndû ûcio methagîrwa marî na ngûrani, nîûndû kîveo Kîam Ngai tî ûndû ûmwe na mevia ma Adamu. Andû eengî nîmaakwire nîûndû wa mevia ma mûndû ûcio ûmwe. Nwatî wega wa Ngai nî mwîngî makîria, kwoguo andû eengî nîmaamûkîre kîveo kuuma kûrî Ngai na njîra ya wega wa mûndû ûmwe na nîke Jesû Kristû.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

1Akor 16:23

Wega wa Mwathani Jesû nîwîkarage namue.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Agal 1:6

Mue nîmûmakîtie mûno nîûndû vuva wa kavinda kanini, nîmûtiganîrîtie ûrîa wamwîtire na njîra ya wega wa Kristû na mûgetîkîra ûvoro mwaro wîngî.

Agal 2:16

Nwatî nîtûmenyete atî mûndû atucagwa mûthingu nîûndû wa gwîtîkia Jesû Kristû nwatî tî ûndû wa gwîka ûrîa watho ugîte. Natue twatuirwe athingu nî Ngai nîûndû wa gwîtîkia Kristû, nwatî tî ûndû wa ûrîa watho ugîte. Nîûndû gûtirî mûndû wanarî ûmwe ûtucagwa mûthingu nîûndû wa gwîka ûrîa watho ugîte.

Tito 2:11

Ngai nîwonanîtie wega wake ûrîa ûretagîra andû onthe a nthî ûvonokio.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.