Ciîko 15:1 - ÎVUKU RÎA ÛVORO MWARO

¹ Nao andû amwe nîmaanyûrûrûkire Antiokia maumîte Judea na makîambîrîria kûthomithia etîkia makîmeeraga atîrî, “Mue mûtingîvonoka ethîrwa tî mûrua wata ûrîa Watho wa Musa ugîte.”

Ciîko 15:1 ပူးပေါင်းရင်းမြစ်များ

Alawi 12:3

Mûthenya wa kanana kavîcî kau nîgakaaruithwa.

Johana 7:22

Musa aamwathire mûruithagie tûvîcî twenyu (wana gûtuîka mûtugo ûcio ndwambîrîrue nî Musa, nwatî wambîrîrue nî methe menyu ma tene) na kwoguo rîu nîmûruithagia tûvîcî mûthenya wa thavatû.

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

Ciîko 15:22

Kwoguo atûmwa, athuuri, na kanitha yonthe îrî vamwe, nîyatwire atî nîmakûthuura andû kuuma gatagatîrî kao nîguo mamatûme Antiokia marî na Paûlo na Baranaba. Nîmaathuurire andû aîrî arîa maatîîtwe mûno nî etîkia. Nao andû acio maarî Judasi ûrîa wetagwa Barasaba na Sailasi,

Ciîko 15:23

na makîmatûma, na maarûa îrîa yandîkîtwe atîrî: “Tue atûmwa na athuuri, ariû na aarî a îthe wetû nîtwamûkethia mue ariû na aarî a îthe wetû andû a ndûrîrî arîa mûrî Antiokia, Sîria na Cilicia.

Ciîko 15:24

Tue nîtwîguîte atî andû amwe arîa maaumire gîkundirî gîetû nîmaûkîte kûrî mue na makamwîra maûndû ma kûmûthînia na kûmûrakaria mûno. Nwatî tue tîtue twamataarîte meke ûguo.

Ciîko 15:3

Kwoguo kanitha nîyamaugîre ûvoro, nao makîvîtûkîrîra mavûrûrirî ma Foenike na Samaria makîvecaga andû ûvoro wîgiî ûrîa andû a ndûrîrî maagarûrûkîte. Naguo ûvoro ûcio nîwatûmire etîkia onthe makene mûno.

Ciîko 15:32

Nao Judasi na Sailasi, arîa maarî arathi, nîmaaririe maûndû meengî ma kûmîrîria etîkia na kûmekîra vinya.

Ciîko 15:5

Nwatî etîkia amwe arîa maarî a gîkundi Kîam Afarisai, nîmaarûngamire na makiuga atîrî, “Andû a ndûrîrî nwa nginya marwithue na meerwe mathîkîre Watho wa Musa.”

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

Agal 2:1

Vuva wa mîaka îkûmi na îna, nînaacokire Jerusalemu tûrî na Baranaba na ngîoca Tito tûkîthiî kuo nake.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Agal 6:12

Andû arîa mageragia kûmûringîrîria mûrue, nî arîa mendaga gwîcaara ûvororî wîgiî maûndû mao ma mwîrî. Mekaga ûguo tu nîguo matikaanyarirwe nîûndû wa kûrûmîrîra mûtharava wa Kristû.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.