Ciîko 14:6 - ÎVUKU RÎA ÛVORO MWARO

⁶ Na rîrîa Paûlo na Baranaba maamenyire ûvoro ûcio, nîmaaûrire makîthiî Listra na Deribe, matûûra marîa maarî vûrûrirî wa Likaonia, na makîthiî mavûrûrirî marîa maarî gûkuvî nakuo.

Ciîko 14:6 ပူးပေါင်းရင်းမြစ်များ

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Ciîko 14:11

Na rîrîa kîrîndî kîonire ûrîa Paûlo eekire, nîkîaugîrîrie na rûthiomi rwao rwa andû a Likaonia gîkiuga atîrî, “Ngai nîituîkîte ta andû na ikanyûrûrûka kûrî tue!”

Ciîko 14:8

Nakuo Listra nîkwarî na mûndû ûmwe waciarîtwe arî kîonje na ûtaarî anavota kûthiî na magûrû.

Ciîko 15:36

Na vuva wa îvinda, Paûlo nîwerire Baranaba atîrî, “Tiga tûcoke matûûrarî monthe marîa marî kûrîa twavunjirie kiugo Kîam Mwathani, tûthiî tûkone etîkia tûkîmenyaga ûrîa marathiî na mbere.”

Ciîko 20:4

Nao andû arîa maathiîcanirie nake maarî Sopateri mûrû wa Pirasi wa kuuma îtûûrarî rîa Berea; Arisitariko na Sekundu a kuuma îtûûrarî rîa Thesalonike; Gayo wa kuuma îtûûrarî rîa Deribe; Tukiko na Tirofimo a kuuma vûrûrirî wa Asia; na Timotheo.

Ciîko 9:24

Nao nîmaamwetagîrîra kîvingorî Kîam îtûûra rîu makîenda kûmûûraga, nwatî Saûlo nîwamenyire mûvango ûcio wao.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.