Ciîko 14:1 - ÎVUKU RÎA ÛVORO MWARO

¹ Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 14:1 ပူးပေါင်းရင်းမြစ်များ

Maariko 7:26

Mûndûmûka ûcio aarî Mûngiriki waciarîrîtwe îtûûrarî rîa Foenike vûrûrirî wa Sîria. Nake nîwathaithire Jesû arutûrûre ngoma kuuma kûrî kerîtu gake.

Johana 12:20

Kwarî Angiriki maarî gatagatîrî ka andû arîa maathiîte îtûûrarî rîa Jerusalemu kûgooca Ngai vîndî ya Kîrugo Kîam pasaka.

Johana 7:35

Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?

Ciîko 11:21

Nao etîkia acio maarî na vinya wa Mwathani na andû gîkundi kînene magîtîkia na makîrûmîrîra Mwathani.

Ciîko 13:43

Na rîrîa mûcemanio ûrîa warî îvoerorî warîkire, Ayahudi eengî na andû a ndûrîrî eengî agooci Ngai arîa maagarûrîtwe magatonya ndinirî ya Ayahudi nîmaarûmîrîre Paûlo na Baranaba. Nao Paûlo na Baranaba nîmamaarîrie na makîmaûmîrîria matûûre mevokete wega wa Ngai.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 13:5

Na rîrîa maakinyire Salamisi nîmaavunjirie kiugo Kîam Ngai mavoerorî ma Ayahudi. Nake Johana Maariko aarî vamwe nao arî mûtethia wao.

Ciîko 13:51

Kwoguo Paûlo na Baranaba nîmeerivaririvire rûkûngû kuuma magûrûrî mao rûrî ta rûûri rwa kûrega andû a îtûûra rîu na makîthiî Ikonia.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 14:2

Nwatî Ayahudi amwe arîa maaregete gwîtîkia nîmaaunjugire andû a ndûrîrî na makîmaringîrîra mamene etîkia.

Ciîko 14:21

Paûlo na Baranaba nîmaavunjirie Ûvoro Mwaro îtûûrarî rîa Deribe na makîgîa na arutwa eengî mûno. Nao Paûlo na Baranaba nîmaacokire Listra, Ikonia na Antiokia ya Pisidia.

Ciîko 16:1

Nake Paûlo nîwathiîre Deribe na agîcoka akîthiî Listra, kûrîa Mûkristiano ûmwe wetagwa Timotheo aatûûraga. Ng'ina, ûrîa wa nake warî Mûkristiano, aarî Mûyahudi, nwatî îthe aarî Mûngiriki.

Ciîko 16:2

Nao etîkia arîa maarî Listra na Ikonia nîmaaragia waro wa Timotheo.

Ciîko 17:12

Eengî ao nîmeetîkirie. Aka maarî îgweta na athuuri eengî Angiriki, nîmeetîkirie.

Ciîko 17:17

Kwoguo arî îvoerorî nîwaranîrie na Ayahudi na andû a ndûrîrî arîa meetîkîtie Ngai mûno. Na wa mûthenya wa mûthenya ke nîwaranagîria na andû arîa methagîrwa marî kûu thokorî.

Ciîko 17:4

Nao Ayahudi amwe, aka arîa maarî îgweta na gîkundi kînene Kîam Angiriki maagoocaga Ngai, nîmeetîkirie na makînyitanîra na Paûlo na Sailasi.

Ciîko 18:4

Na wa mûthenya wa thavatû arî îvoerorî, Paûlo nîwaranagîria na Ayahudi na Angiriki akîgeria kûmeguithia matuîke etîkia.

Ciîko 18:8

Kirisipo ûrîa warî mûnene wa îvoero rîu, na andû onthe a mûciî wake nîmeetîkirie Mwathani. Wana andû engî eengî arîa maarî kûu Korinitho nîmaathikîrîrie Paûlo, magîtîkia na makîvatithua.

Ciîko 19:10

kwa îvinda rîa mîaka îîrî. Na nîûndû wa ûguo, Ayahudi onthe na andû a ndûrîrî onthe arîa maarî kûu vûrûrirî wa Asia, nîmegwire kiugo Kîam Mwathani.

Ciîko 19:17

Nao Ayahudi onthe na andû a ndûrîrî onthe arîa maatûûraga kûu Efeso nîmegwire ûvoro ûcio, magîcûrwa nî guoya na magîkumia rîîtwa rîa Mwathani Jesû.

Ciîko 19:8

Na kwa îvinda rîa mîeri îthatû, Paûlo nîwathiîcaga îvoerorî na akavecanaga ûvoro arî na ûmîrîru. Nîwaranagîria na Ayahudi na akageragia kûmeguithia nîguo metîkîre maûndû marîa ke aaragia megiî Ûthamaki wa Ngai.

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 21:28

Nao nîmaaugîrîrie atîrî, “Andû a Isiraeli! Tûtethererieni! Mûndû ûyû nîke ûthiîcaga kûndû kuonthe akîthomithagia andû onthe maregane na andû a Isiraeli, Watho wa Musa na hekarû îno. Na rîu ke wana nîwarete amwe a andû a ndûrîrî gûkû hekarûrî na nîmekîrîte kûndû gûkû kwamûrîrîtwe Ngai mûgiro!”

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 10:12

Nîûndû gûtirî ngûrani gatagatîrî ka Mûyahudi na mûndû wa Ndûrîrî. Ngai nî Mwathani wa andû onthe na nîavecanaga irathimo ciake nyîngî kûrî andû onthe arîa mamûkaagîra.

Agal 2:3

Twarî na Tito, na ndaaringîrîrua arue wana ethîrwa aarî Mûngiriki.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.