Ciîko 13:52 - ÎVUKU RÎA ÛVORO MWARO

⁵² Nwatî etîkia nîmecûrirwe nî gîkeno na Roho Mûtheru.

Ciîko 13:52 ပူးပေါင်းရင်းမြစ်များ

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Ciîko 11:29

Nao arutwa nîmaatwire marute mbeca kûringana na ûvoti wa mûndû wa mûndû nîguo matethie etîkia arîa maatûûraga Judea.

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

Aroma 5:3

Wana nîtûkenaga twona mathîna nîûndû nîtwîcî atî mathîna maretaga kûmîrîria,

2Akor 8:2

Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

Jakuvu 1:2

Ariû na aarî a îthe wetû, rîrîa mwagîa na magerio ma mîthemba na mîthemba, nîmwagîrîrwe nî gwîcûragwa nî gîkeno,

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.