Ciîko 13:5 - ÎVUKU RÎA ÛVORO MWARO

⁵ Na rîrîa maakinyire Salamisi nîmaavunjirie kiugo Kîam Ngai mavoerorî ma Ayahudi. Nake Johana Maariko aarî vamwe nao arî mûtethia wao.

Ciîko 13:5 ပူးပေါင်းရင်းမြစ်များ

1Atha 19:21

Kwoguo Elisha nîwacokire gîkundirî Kîam ndegwa ciake, akîithînja na akîruga nyama, agîtûmagîra îcoki rîrî ngû. Nîwavecanire nyama kûrî andû, na makîrîa. Nîwacokire akîrûmîrîra Elija na agîtuîka ndungata yake.

1Atha 19:3

Elija nîwamakire na akîûra akîthiî Beerisheba, îtûûra rîa Juda nîguo athare mwoyo wake. Kûu nîkuo Elija aatigire ndungata yake,

2Atha 3:11

Mûthamaki Jehoshafati nîwaûririe atîrî, “Nîkwa gûtarî na mûrathi ava, ûrîa ûngîaria na Ngai-Mûnene vandûrî vetû?” Mûndû ûmwe wa ndungata cia mûthamaki wa Isiraeli nîwaugire atîrî, “Elisha mûvîcî wa Shafati arî ava. Nîke watuîkire mûrathi vuva wa Elija.”

Ntha 24:13

Kwoguo Musa na Joshua ûrîa wamûtethagîrîria nîmeevarîrie, na Musa akiunûkia kîrîmarî kîu kîtheru.

Mathaayo 20:26

Ûguo tîguo kwagîrîrwe nîkwîthîrwa gwîkariî gatagatîrî kenyu. Mûndû ûrîa ûkwenda gûtuîka mûnene gatagatîrî kenyu, nwanginya atuîke ndungata ya arîa engî.

Ciîko 12:12

Na rîrîa aamenyire ûguo, nîwathiîre mûciî kwa Mariamu ng'ina wa Johana ûrîa na rîîtwa rîngî wîtagwa Maariko. Nao andû eengî nîmaacemanîtie kuo makîvoyaga.

Ciîko 12:25

Na rîrîa Baranaba na Saûlo maarîkirie wîra wao Jerusalemu, nîmaacokire Antiokia marî na Johana ûrîa na rîîtwa rîngî wetagwa Maariko.

Ciîko 13:14

Nao nîmaavîtûkire Periga na makîthiî magîkinya Antiokia vûrûrirî wa Pisidia. Na mûthenya wa thavatû nîmaathiîre îvoerorî na magîkara nthî kuo.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 14:1

Na rîrîa Paûlo na Baranaba maarî Ikoniumu, nîmaathiîre Îvoerorî rîa Ayahudi. Nao nîmaavecanire ûvoro waro mûno na andû eengî, Ayahudi na Angiriki magîtuîka etîkia.

Ciîko 15:37

Nake Baranaba nîwendaga mathiîcanie na Johana ûrîa wetagwa Maariko.

Ciîko 17:17

Kwoguo arî îvoerorî nîwaranîrie na Ayahudi na andû a ndûrîrî arîa meetîkîtie Ngai mûno. Na wa mûthenya wa mûthenya ke nîwaranagîria na andû arîa methagîrwa marî kûu thokorî.

Ciîko 18:4

Na wa mûthenya wa thavatû arî îvoerorî, Paûlo nîwaranagîria na Ayahudi na Angiriki akîgeria kûmeguithia matuîke etîkia.

Ciîko 19:22

Paûlo nîwatûmire Timotheo na Erasito, atethia ake aîrî, akîmeera mathiî Makedonia, nwatî ke mwene nîwekarire kûu Asia kwa îvinda.

Ciîko 19:29

Kwoguo kûu îtûûrarî rîu rîonthe nîgwecûrire înegene. Nakîo kîrîndî nîkîanyitire Gaio na Arisitariko, andû aîrî a kuuma Makedonia arîa maathiîcanagia na Paûlo, na makîvinyûra nao nyombarî ya kwonanîrua mîthako.

Ciîko 19:8

Na kwa îvinda rîa mîeri îthatû, Paûlo nîwathiîcaga îvoerorî na akavecanaga ûvoro arî na ûmîrîru. Nîwaranagîria na Ayahudi na akageragia kûmeguithia nîguo metîkîre maûndû marîa ke aaragia megiî Ûthamaki wa Ngai.

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

Akol 4:10

Nîmwakethua nî Arisitariko ûrîa twovetwe njeera nake, wana Maariko mûrwethe wa Baranaba. (Mue nîmûrîkîtie gûtaarwa atî Maariko angîûka, mûmûgwate ûgeni).

2Tim 4:11

Luka nîke tu tûrî nake. Oca Maariko mûke nake nîûndû nîmwagîrîru wa kûndungatagîra.