Ciîko 13:32 - ÎVUKU RÎA ÛVORO MWARO

³² Twaûka kûmûretere Ûvoro Mwaro wîgiî kîîranîro kîrîa Ngai eerîre methe metû ma tene.

Ciîko 13:32 ပူးပေါင်းရင်းမြစ်များ

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 41:27

Nie Ngai-Mûnene nînie naarî wa mbere kwîra Zayuni ûvoro, nînatûmire mûnjaama kûu Jerusalemu akavire ndûmîrîri ya ûvoro mwaro.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Ezek 34:23

Nîngaaithuurîra mûrîthi ûmwe, na nîke Daudi ndungata yakwa na nîagaatuîka mûrîthi wacio. Nîakaairîthia waro na aimenyagîrîre.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Hagai 2:7

Nîngainainia mavûrûri monthe, na nîguo mîthithû yonthe ya mavûrûri îkaaretwe gûkû, na nîngecûria hekarû îno ûthaka wayo, nînie Ngai-Mûnene mwene vinya wonthe nauga ûguo.

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Zakaria 6:12

Mwîre Ngai-Mûnene mwene vinya wonthe augîte atî, ‘Ûyû nîke mûndû ûrîa wîtagwa Rûvûa. Nîagaatamba arî wa vau arî na atume rîngî hekarû ya Ngai-Mûnene.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 2:10

Nake mûraika ûcio nîwamerire atîrî, “Tigani kûmaka! Nie nîmûretere ûvoro mwaro na wa gîkeno kînene kûrî andû onthe,

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 13:23

Kwoguo Ngai nîatuîte Jesû ûrîa wa mbarî ya Daudi Mûvonokia wa andû wa Isiraeli wata ûrîa ke eeranîrîte.

Ciîko 13:38

Ariû na aarî a îthe wetû, tue tûrenda mûmenye atî tûramûvunjîria ûvoro wîgiî kwoverwa mevia na njîra ya mûndû ûyû.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 26:6

Na rîu nûngamîte ava ngîcirithua nîûndû wa mwîrîgîrîro ûrîa nîrî naguo ûvororî wîgiî kîîranîro kîrîa Ngai eerîre methe metû ma tene.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Ciîko 5:42

Na wa mûthenya wa mûthenya Atûmwa nîmaathiîcaga hekarûrî na mîciîrî ya andû, kûthomithania na kûvunjia Ûvoro Mwaro wîgiî Jesû ûrîa Mesaya.

Aroma 1:2

Tene Ngai nîweranîre Ûvoro Mwaro na njîra ya arathi wata ûrîa kwandîkîtwe mandîkorî matheru.

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Aroma 4:13

Rîrîa Ngai eerîre Iburahimu na njiarwa ciake atî nthî yonthe îkeethîrwa îrî yake, ekire ûguo nîûndû Iburahimu nîwetîkirie na agîtuwa mûthingu nî Ngai, nwatî tî nîûndû nîwathîkagîra Watho.

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.