Ciîko 13:3 - ÎVUKU RÎA ÛVORO MWARO

³ Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 13:3 ပူးပေါင်းရင်းမြစ်များ

Ndari 27:23

Musa nîwacokire akîmwigîrîra njara kîongorî akîmûthuura na akîmûva wathani wata ûrîa aathirwe nî Ngai-Mûnene.

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Ciîko 13:4

Kwoguo, Baranaba na Saûlo, matûmîtwe nî Roho Mûtheru, nîmaanyûrûrûkire Seleucia na kuuma kûu makîthiî marî merirî magîkinya gîcîgîrîrarî gîa Kuporo.

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

Ciîko 14:26

Na kuuma kûu nîmaatwîre meri magîcoka Antiokia kûrîa etîkia mamaigîte wegarî wa Ngai nîûndû wa wîra ûcio maarîkîtie kûruta.

Ciîko 15:40

Nake Paûlo nîwathuurire Sailasi nîguo mathiîcanie nake. Nao etîkia nîmaaigire Paûlo na Sailasi wegarî wa Mwathani.

Ciîko 6:6

Nao etîkia nîmaanenganîre andû aya kûrî atûmwa, nao atûmwa makîmavoera na makîmaigîrîra njara.

Ciîko 9:17

Kwoguo Anania nîwathiîre, agîtonya mûciî kwa Judasi, akigîrîra Saûlo njara na akîmwîra atîrî, “Saûlo mûriû wa îthe wetû, nie nînatûmwa nî Mwathani Jesû ûrîa ûrakumîrîre vîndî îrîa we ûraûkîte gûkû. Ke andûma nîguo we ûvote kwona rîngî na wîcûrwe nî Roho Mûtheru.”

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

2Tim 1:6

Nîûndû wa gîtûmi gîkî nîrakûririkania ûrurumûkie kîveo kîrîa Ngai aakûveere vîndî îrîa naakwigîrîre njara.

2Tim 2:2

Maûndû marîa weguire ngîaria nîrî mbere ya aira eengî mathomithie andû arîa evokeku, nîguo nao mathomithie andû arîa engî.

3Joh 1:6

Nîmararutire ûira kanitharî ûvoro wîgiî wendo waku. Matethagie nîguo mathiî na njîra îrîa îngîkenia Mwathani.

3Joh 1:8

Kwoguo tue akristiano nîtwagîrîrwe nî gûtethia andû aya, nîguo twîthîrwe tûrî aruti wîra vamwe nao ûvororî ûrîa wa ma.