Ciîko 13:21 - ÎVUKU RÎA ÛVORO MWARO

²¹ Nao andû nîmaacokire makiuga mathuurîrwe mûthamaki. Kwoguo Ngai nîwamathuurîre Saûlo mûrû wa Kishi nîguo atuîke mûthamaki wao. Saûlo aaumîte mûvîrîgarî wa Benjamini, na amaathire kwa îvinda rîa mîaka mîrongo îna.

Ciîko 13:21 ပူးပေါင်းရင်းမြစ်များ

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 15:1

Nake Samueli nîwerire Saûlo atîrî, “Nie nînie naatûmirwe nî Ngai-Mûnene ngwîtîrîrie maguta nîguo ûtuîke mûthamaki wa andû ake a Isiraeli. Rîu thikîrîria ndûmîrîri ya Ngai-Mûnene mwene vinya wonthe.

1Sam 11:15

Kwoguo andû onthe nîmaathiîre Giligali vandû varîa vatheru na makîthuurîra Saûlo vo arî mûthamaki wao. O nîmaarutîre Kîgongoona gîa kûrete thayû vo, na Saûlo marî vamwe na andû onthe a Isiraeli nîmaakenerere ûndû ûcio.

1Sam 8:5

na makîmwîra atîrî, “Taroria, we ûrî mûkûrû nao anake aku matirûmagîrîra maûndû marîa wekaga. Rîu tûthuurîre mûthamaki wa gûtwathaga wata ûrîa ndûrîrî irîa ciîngî ciîthagîrwa irî na athamaki a cio.”

1Sam 9:1

Nakuo kwarî na mûndû mûrûme ûmwe gîtonga wetagwa Kishu wa kuuma mûvîrîgarî wa Benjamini Kishu aarî mûvîcî wa Abieli, nake Abieli aarî mûvîcî wa Zeroru. Kishu aarî wa mûciî wa Bekorathu, naguo mûciî ûcio warî gacunjî ka mûvîrîga wa Avia.

1Sam 9:15

Naguo mûthenya ûmwe mbere ya Saûlo aûke, Ngai-Mûnene nîwarîrîtie Samueli na akamwîra atîrî,