Ciîko 13:14 - ÎVUKU RÎA ÛVORO MWARO

¹⁴ Nao nîmaavîtûkire Periga na makîthiî magîkinya Antiokia vûrûrirî wa Pisidia. Na mûthenya wa thavatû nîmaathiîre îvoerorî na magîkara nthî kuo.

Ciîko 13:14 ပူးပေါင်းရင်းမြစ်များ

Luka 4:16

Jesû nîwathiîre îtûûrarî rîa Nazarethi kûrîa aarereretwe. Naguo mûthenya wa thavatû wakinya, wa ta mûtugo, Jesû nîwathiîre na agîtonya îvoerorî. Na rîrîa aarûngamire nîguo athome,

Ciîko 13:42

Na rîrîa Paûlo na Baranaba maaumaga îvoerorî, andû nîmaamathaithire makîmeera magaacoka rîngî thavatû îo yarûmîrîrîte nîguo mamaarîrie makîria îgûrû rîgiî maûndû mau.

Ciîko 13:44

Na thavatû îo yarûmîrîrîte, vakuvî andû onthe a îtûûra rîu nîmaagomanire kuo nîguo megue kiugo Kîam Mwathani.

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Ciîko 13:5

Na rîrîa maakinyire Salamisi nîmaavunjirie kiugo Kîam Ngai mavoerorî ma Ayahudi. Nake Johana Maariko aarî vamwe nao arî mûtethia wao.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 16:13

Naguo mûthenya wa thavatû nîtwaumire nja ya mwîrîga wa îtûûra rîu na tûkîthiî vakuvî na rûnjî, varîa tweciragia atî nîvo Ayahudi maavoyagîra. Aka amwe nîmaagomanîte vo, na kwoguo nîtwekarire nthî na tûkîmarîria.

Ciîko 17:2

Nake Paûlo nîwathiîre îvoerorî wata ûrîa aamenyerete gwîka. Na kwa îvinda rîa ciumia ithatû, nîwaranîrie na Ayahudi ûvoro wîgiî mandîko matheru.

Ciîko 18:4

Na wa mûthenya wa thavatû arî îvoerorî, Paûlo nîwaranagîria na Ayahudi na Angiriki akîgeria kûmeguithia matuîke etîkia.

Ciîko 19:8

Na kwa îvinda rîa mîeri îthatû, Paûlo nîwathiîcaga îvoerorî na akavecanaga ûvoro arî na ûmîrîru. Nîwaranagîria na Ayahudi na akageragia kûmeguithia nîguo metîkîre maûndû marîa ke aaragia megiî Ûthamaki wa Ngai.

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.