Ciîko 13:12 - ÎVUKU RÎA ÛVORO MWARO

¹² Na rîrîa Mwarîrîria ûcio oonire ûguo, nîwetîkirie; nîûndû ke nîwamakîtue mûno nî kîthomo kîu kîgiî Mwathani.

Ciîko 13:12 ပူးပေါင်းရင်းမြစ်များ

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Luka 4:22

Andû onthe nîmaakenirue mûno nîke na makîmaka, nîûndû wa mîario mîaro îrîa aaragia. Nao nîmaambîrîrie kûrania atîrî, “Na kinthî ûyû tî mûvîcî wa Josefu?”

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Johana 7:46

Nao arangîri nîmaamacokirie atîrî, “Gûtirî mûndû wanaaria maûndû marîa mûndû ûyû araria!”

Ciîko 13:48

Na vîndî îrîa andû a ndûrîrî meegwire Paûlo akiuga ûguo, nîmaacanjamûkire na magîkumia ndûmîrîri ya Mwathani. Nao andû arîa maathuurîtwe nîguo magîe na mwoyo wa tene tene, nîmaatuîkire etîkia.

Ciîko 13:49

Nakîo kiugo Kîam Mwathani nîgîatambire kûu vûrûrirî ûcio wonthe.

Ciîko 13:7

Nake mûragûri ûcio aarî mûrata wa Serigio Paûlo. Serigio aarî mûndû mûûgî na nîke warî mwarîrîria wa gîcîgîrîra Kîam Kuporo. Mûnene ûcio nîwetire Baranaba na Saûlo mathiî kûrî ke, nîûndû nîwendaga kwîgua kiugo Kîam Ngai.

Ciîko 13:8

Nwatî mûringi wa ciama ûcio wetagwa Elimasi nîwareganire nao. (Elimasi nî rîîtwa rîa rûthiomi rwa Kîngiriki rîa Mûrû wa Joshua.) Elimasi nîwaringîrîre mûnene ûcio akîmwîra atige gwîtîkia.

Ciîko 15:35

Nwatî Paûlo na Baranaba nîmeekarire kwa îvinda kûu Antiokia, na marî vamwe na andû engî eengî nîmaathomithanirie na makîvunjia kiugo Kîam Mwathani.

Ciîko 15:36

Na vuva wa îvinda, Paûlo nîwerire Baranaba atîrî, “Tiga tûcoke matûûrarî monthe marîa marî kûrîa twavunjirie kiugo Kîam Mwathani, tûthiî tûkone etîkia tûkîmenyaga ûrîa marathiî na mbere.”

Ciîko 18:12

Na vîndî îrîa Galio aatwirwe mwarîrîria wa Akaia, Ayahudi marî vamwe nîmaanyitire Paûlo, makîmûvira Kîammarî,

Ciîko 19:10

kwa îvinda rîa mîaka îîrî. Na nîûndû wa ûguo, Ayahudi onthe na andû a ndûrîrî onthe arîa maarî kûu vûrûrirî wa Asia, nîmegwire kiugo Kîam Mwathani.

Ciîko 19:20

Na nîûndû wa maûndû mau ma vinya meekîkîte, andû eengî nîmegwire kiugo Kîam Mwathani na magîtîkia.

Ciîko 19:38

Ethîrwa Demetirio na aturi acio ake nîmarî na ûndû mangîthitanga mûndû wana ûmwe naguo, tue tûrî na acirithania na mîthenya îrîa îtuîtwe ya kûthitangana magootirî. Tiga o mathiî makathitanganîre kuo.

Ciîko 19:7

Nao andû onthe arîa maarî vo maarî kîndû ta îkûmi na aîrî.

Ciîko 28:7

Navo vandû varî vakuvî mûno na varîa twarî vaarî na mîgûnda ya mûnene ûmwe wa gîcîgîrîra kîu wetagwa Pubulio. Ke nîwatûnyitire ûgeni na agîtûtuga arî na ûtaana mwîngî mûno kwa îvinda rîa mîthenya îthatû.

Ciîko 6:10

Nwatî Roho nîwavere Stefano ûûgî mwîngî wa kwaria ûndû matangîavotire kûmûkararia.

Ciîko 8:25

Rîrîa Petero na Johana marîkirie kûvecana ûira na kwanîrîra ndûmîrîri ya Mwathani, nîmaacokire Jerusalemu. Nao marî njîrarî nîmaavîtûkîrîre icagirî nyîngî cia Samaria, makîvunjagîria andû Ûvoro Mwaro.