Ciîko 12:7 - ÎVUKU RÎA ÛVORO MWARO

⁷ Nake mûraika wa Mwathani nîwaumîre wa rîmwe na ûtheri ûgîkenga kûu njeera. Mûraika ûcio nîwainainirie Petero amûgwete Kîamnde, akîmûramûkia na akîmwîra atîrî, “Ramûka narua!” Nayo mînyororo îrîa ovetwe njara nayo nîyagwîre nthî wa rîmwe.

Ciîko 12:7 ပူးပေါင်းရင်းမြစ်များ

2Sam 22:29

We Ngai-Mûnene nîwe ûtheri wakwa, nîwe wîngataga nduma kuuma kûrî nie.

1Atha 19:5

Nîwamamire nthî rungu rwa mûtî na akîgwatwa nî toro. Wa rîmwe mûraika nîwamûvutirie na akîmwîra atîrî, “Ûkîra ûrîe.”

1Atha 19:7

Mûraika wa Ngai-Mûnene nîwacokire rîngî na akîmûvutia riita rîa kaîrî. Nîwamwîrire atîrî, “Ûkîra ûrîe, nîûndû rûgendo rûrîa ûkûthiî nî rûraca mûno.”

Thaburi 107:14

Nîwamarutire ndumarî kûu kwarî na îvooru, na agîtucanga mînyororo yao.

Thaburi 116:16

We Ngai-Mûnene, nie nîrî ndungata yaku; ndungata yaku, mwana wa ndungata yaku ya mûndûmûka. We nîûnjovorete mînyororo yakwa.

Thaburi 146:7

Nîke ûtucaga cira wa arîa avinyîrîrie na kîvooto, nîke ûvecaga arîa avûtu gîa kûrîa. Ngai-Mûnene nî arekagîrîria arîa oove,

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Thaburi 68:6

Ngai nîavecaga athîni kûndû kwa gûtûûra; avingûragîra andû arîa ove na akamatûûria na gîkeno; nwatî arîa mareganaga nake matûûraga vûrûrirî mûmû.

Isaia 37:30

Isaia nîwacokire akîra Mûthamaki Hezekia atîrî, “Ûndû ûrîa ûgaakûmenyithia maûndû mama nî ûyû: Mwaka ûyû na mwaka mûku mûkaarîcaga kîrîa kîîmeretie kîo kîene; naguo mwaka wa kathatû nîmûkaavanda na mûkethe maciaro; mûkaavanda mîthavibu na mûrîe matunda mayo.

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Jeremia 40:1

Kiugo nîgîakinyîre Jeremia kuuma kûrî Ngai-Mûnene vuva wa kûrekererua aume Rama nî Nebuzaradani mûnene wa arangîri a mûthamaki. Mûnene ûcio wa arangîri nîwocete Jeremia arî mwove na mvîngû vamwe na andû kuuma Jerusalemu na Juda arîa onthe maanyitîtwe mavirwe îthamîriorî Babuloni.

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Mika 7:9

Nîmvîtîrîtie Ngai-Mûnene, kwoguo nwanginya nyûmîrîrie marakara make, nginya rîrîa akanjirîrîra na onanie kîvooto gîakwa. Nîakaanduta nja kûrîa kûrî na ûtheri, nanie nîngoona akîmvonokia.

Habakuku 3:11

Riûa na mweri nîciarûngamire irî kûrîa ciîkaraga, rîrîa cionire ûtheri wa mîguî yaku îthiîte mûno, rîrîa cionire îtumû rîaku rîkîvenavenia.

Habakuku 3:4

Ûkengu wake wîkariî ta wa riûa, mveni cia ûtheri irauma njararî yake, kûrîa vinya wake ûthithîtwe.

Mathaayo 2:13

Nao athuuri acio maarî na ûgî wa njata marîkia kûthiî, mûraika wa Mwathani nîwaumîrîre Josefu kîrotorî na akîmwîra atîrî, “Ûkîra woce mwana na ng'ina mûre mûthiî vûrûrirî wa Misiri, na mwîkare kuo nginya rîrîa ngaamwîra, nîûndû Herode arî vakuvî kwambîrîria gûcaria kaana nîguo akaûrage.”

Luka 2:9

Mûraika wa Mwathani nîwamaumîrîre wa rîmwe. Naguo riiri wa Mwathani nîwamatherere mîena yonthe, nao makîmaka mûno.

Luka 24:4

Rîrîa maarûngamîte kûu ndarî marigarîtue nî ndeto îo, arûme aîrî arîa meekîrîte nguo ciakengaga mûno, nîmaamaumîrîre wa rîmwe na makîrûngama rwarurî rwao.

Ciîko 10:30

Nake Korinelio nîwaugire atîrî, “Mîthenya îna mîthiru, nie nînavoyaga nîrî gwakwa nyomba mathaa ta mama thaa kenda cia mûthenya. Na wa rîmwe mûndû wekîrîte nguo yakengaga nîwarûngamire mbere yakwa,

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Ciîko 12:6

Naguo ûtukû mbere ya Herode avira Petero kûrî andû, Petero aarî njeera amamîte karîgatî ka athigari aîrî, na ovetwe na mînyororo îrî. Nao athigari acio engî maarangîrîte mwîrîga wa njeera.

Ciîko 12:8

Mûraika ûcio nîwacokire akîmwîra atîrî, “Îîyove mûcivi na wîkîre iratû ciaku.” Na rîrîa Petero aarîkirie gwîka ûguo, mûraika nîwacokire akîmwîra atîrî, “Îkîra kanjû yaku na ûnûmîrîre.”

Ciîko 16:26

Na wa rîmwe nîkwagîre na kîthingithia kînene, na gîkinainia mîcingi ya njeera. Na vîndî wa îo mîrango yonthe ya njeera nîyavingûkire, na mînyororo yonthe ya andû arîa moovetwe îkîovoka.

Ciîko 2:24

Nwatî Ngai nîwariûkirie Jesû na akîmwovora ûrûrûrî wa gîkuû, nîûndû gûtingîavotekire atûûre ovetwe nîkîo.

Ciîko 5:19

Nwatî ûtukû wa mûthenya ûcio, mûraika wa Mwathani nîwavingûrire mîrango ya njeera, akîmaruta kuo, na akîmeera atîrî,

Ciîko 9:3

Na rîrîa Saûlo aakuvîvîrie Damesiki ûtheri nîwaumire îgûrû na ûkîmûmûrîka wa rîmwe kuuma mîena yonthe.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Kûguû 18:1

Vuva wa ûndû ûyû nînoonire mûraika wîngî akînyûrûrûka kuuma îgûrû. Mûraika ûcio aarî na vinya nyîngî. Riiri wake nîwatûmire nthî yonthe îgîe na ûtheri.